1. Машқда қийналсанг жангда осон бўлади. Илм олиш ҳар бир муслим ва муслима учун фарздир. (Ҳадис)

4) Қўш тузлар – кислота молекуласидаги водород атомлари ҳар хил метал билан алмашинганда ҳосил бўлган мураккаб моддалар. Масалан: KAl(SO₄)₂, KCr(SO₄)₂, (NH₄)₂Fe(SO₄)₂ ва ҳ.к. Қўш тузларни номлаш: аввал валентлиги катта металл номи кейин валентлиги кичик металл номи (металл ўзгарувчан валентли бўлса рим рақамда қавс ичида валентлик кўрсатилади)га кислота қолдиғ номи қўшиб айтилади. Улар аччиқтошлар ҳам дейилади. Масалан: KAl(SO₄)₂ – алюминий калий сульфат, KCr(SO₄)₂ – хром (III) калий сульфат, (NH₄)₂Fe(SO₄)₂ – темир (II) аммоний сульфат ёки KAl(SO₄)₂ 12H₂O – алюминий калийли аччиқтош, KCr(SO₄)₂ 6H₂O – хром калийли аччиқтош, (NH₄)₂Fe(SO₄)₂ 12H₂O – темир аммонийли аччиқтош ва ҳ.к.
5) Комплекс тузлар – таркибида комплекс ион сақлаган мураккаб моддалар. Масалан: K₃[Fe(CN)₆], K₄[Fe(CN)₆], Fe₃[Fe(CN)₆]₂, Fe₄[Fe(CN)₆]₃, Na₃[Co(NO₂)₆], K₃[FeF₆], K₂[PtF₄], Na₂[HgI₄], [CrCl₂(H₂O)₄]Cl, [CrCl₃(H₂O)₃] ва ҳ.к. Комплекс тузларни номлаш: асосан тарихий номлар ишлатилади, масалан: K₃[Fe(CN)₆] – қизил қон тузи, K₄[Fe(CN)₆] – сариқ қон тузи, Fe₃[Fe(CN)₆]₂ – берлин зангориси, Fe₄[Fe(CN)₆]₃ – турунбул кўки ва ҳ.к. Бундан ташқари комплекс тузлар систематик қуйидагича номланади: K₃[Fe(CN)₆] – калий гексацианоферрат (III), K₄[Fe(CN)₆] – калий гексацианоферрат (II), Fe₃[Fe(CN)₆]₂ – темир (II) гексацианоферрат (III), Fe₄[Fe(CN)₆]₃ – темир (III) гексацианоферрат (II), Na₃[Co(NO₂)₆] натрий гексанитрито кобальтат (III), K₃[FeF₆] калий гексафтороферрат (III), K₂[PtF₄] – калий тетрафтороплатинат (II), [CrCl₂(H₂O)₄]Cl – дихлоротетрааква хром (III) хлорид, [CrCl₃(H₂O)₃] – трихлоротриаква хром (III) ва ҳ.к.