1-ma`ruza. Transportda tashishni boshqarish va transport tizimining huquqiy va me’yoriy asoslari

Huquq tushunchasi – fuqarolarga nisbatan olinsa, u Konstitutsiyaviy yoki oddiy huquqlarga bo‘linadi.

Konstitutsiyaviy huquqlar konstitutsiyaviy me’yorlar bilan,

oddiy huquqlar oddiy qonunlar bilan tartibga solinadi.

Huquq, o‘z navbatida, tarmoqlarga bo‘linadi:

• konstitutsiyaviy huquq,
• ma’muriy huquq,
• fuqarolik huquqi,
• jinoyat huquqi,
• transport huquqi va boshqalar.

Transport huquqlari me’yorlar majmuidan iborat bo‘lib, transport faoliyatini va uning ishini tashkil etish sababidan paydo bo‘ladigan ijtimoiy munosabatlarni, transport korxonalari va transport vositalaridan foydalanuvchi uning ko‘p sonli mijozlari o‘rtasidagi munosabatlarni, hamda bir xil va har xil turdagi transport korxonalari o‘rtasidagi munosabatlarni tartibga soladi. Shunday qilib, transport huquqining mavzusi (predmeti) transport vositalaridan foydalanish tufayli paydo bo‘ladigan, transport korxonalari va transportning mijozlari o‘rtasidagi ijtimoiy munosabatlardan tashkil topadi.