1-маъруза. Тақсимланган тизимларнинг ташкил этилиши (2 соат)

2.2-расм. Маълумотлар базаси тизимининг классик архитектураси.
Классик архитектура қатор мухим устунликларни таъминлаб беради. Биринчидан ўзининг синфида энг зўри (best-of-breed) бўлган компоненталарнинг барча даражасидан фойдаланиш имкониятини беради. Иккинчидан классик архитектура маълумотларни сақлаш, Веб, илова серверлари кенг масштабда ишлаш имконини беради. Мисол учун фойдаланувчилар сонини актив тарзда ўсиши оқибатида келиб чиқадиган муаммони, Веб ва Илова серверларини сонини ошириш ёрдамида ишчи юкламани осонгида камайтириш имконияти мавжуд бўлади.

Ишчи юкламанинг камайтирилиши эса баъзи сервер терминалларининг ўчириб қўйилиши ёки бошқа мақсадларда фойдаланиш имконини беради. Маълумотларни сақлаш даражасида хам терминаллар ёки қаттиқ дисклар сонини ошириш йўли билан маълумот сиғимини кўпайтириш шу билан бир қаторда ўтказувчанлик қобилиятини хам ошириш мумкун бўлади. Юкламани кўпайиши ва камайиш холати хам хотирига мос тарзда кечади.

Классик архитектуранинг потенциал нозик қисми маълумотлар базаси сервери хисобланади. Агар маълумотлар базаси серверининг юкламаси хаддан зиёд кўпайиб кетса янада кучлироқ сервер харид қилишга тўғри келади. Одатда маълумотлар базаси сервер қурилмалари қиммат қийматга эга хисобланади, негаки бундай қурилмалар жуда кўплаб сўровларни қайта ишлаши ва сўровлар пик даражага етганида хам ишлаш қобилиятини йўқотмайдиган қурилма хисобланади.

Классик архитектуранинг ечими сифатида тақсимланган ёки “булут” тизими архитектураси тақдим этилади, бунда маълумотлар базаси сервери ягона эмас дунёнинг исталган қисмидаги серверларнинг тўплами сифатида келтирилади (2.3 - расм). Бунда маълумотлар базасига тушган юклама ортиб кетиши натижасида тизим ўз юкламасини бошқа серверга узатади, яъни юклама умумий тақсимланиш жараёнида йўқ бўлиб кетади ёки ортиқча вақт талаб этмай иш самарадорлигини ошишига имконият беради.