1 Ma’ruza. O‘zbek bastakorlari uyushmasining ish faoliyati tarixi Reja

Ma’ruza № 21

Kompozitor Sayfi Jalilning (1932-2003) hayoti va ijodi

Reja:

1. Kompozitorning yoshlik va va talabalik yillari.

2. Sayfi Jalilning vokal ijodi.

3. Sayfi Jalilning fortepiano ijodi.

4. Kompozitorning opera va balet ijodi.

5. Kompozitorning simfoniya ijodi

6. Sayfi Jalilning musiqali drama ijodi.

O‘zbekiston xalq artisti, Respublika Davlat mukofoti sovrindori, professor Sayfi Jalilov (taxallusi Sayfi Jalil) zamonaviy o‘zbek musiqa madaniyatining rivojlanishiga salmoqli hissa qo‘shgan.U lirik qo‘shiq va romans, musiqali drama va komediya, opera, simfonik, vokal - simfonik va boshqa janrlarda yaratgan asarlari bilan el - yurt nazariga tushgan, xalq mehrini qozongan atoqli ijodkordir.

Bo‘lajak kompozitor Samarqand shahrida 1932 yil 20 iyunda zardo‘z Hoji Jalil Xolmurodov oilasida tug‘ildi. Bu oila 1935 yili Toshkentga ko‘chib o‘tadi.

Sayfi Jalil 1939 yildan umumta’lim maktabida o‘qiydi. 7 - sinfni tugatib, Toshkent shahar matbaa - hunar maktabida o‘qishini davom ettirib, ayni paytda respublika o‘quvchilar saroyida tashkil topgan havaskorlik musiqa to‘garagiga qatnashadi. Bu erda g‘ijjakda, keyinchalik musiqa maktabida goboy chalishni o‘rganadi. Bolalar simfonik orkestriga qatnashadi. Professional musiqa san’atini egallash maqsadida Sayfi Jalil 1948 yilda Hamza nomidagi Toshkent musiqa bilim yurtiga kiradi. Bu dargohda u bir yo‘la ikki