1 ma’ruza mashg‘uloti

Lug‘atlar – ona tili ta’limining muhim vositasi. Ta’lim bosqichlari ona tili ta’limining konseptual asoslariga uning zaruriy vositasi ikkita ekanligi ta’kidlanadi: darslik va lug‘atlar. O‘quvchilarning ijodiy tafakkurini va nutqini o‘stirishning biri lug‘atlar ustida ishlashdir. Lug‘atlar o‘quvchilarning ijodiy tafakkuri, mustaqil fikrlash darajasi, ijodiy fikr mahsulini og‘zaki va yozma shakllarda ravon bayon etishga olib keladigan behad qimmatli va boy so‘z zaxirasini vujudga keltiradi. Ona tili darslarini lug‘atsiz tasavvur etib bo‘lmaydi. Lug‘at bilim manbai va o‘qitish vositasidir. So‘z ma’nosini sharhlash, ma’lum bir so‘zning imlosini bilib olish, yo‘l qo‘yilgan imloviy xatoni bartaraf etish, so‘z guruhlarini mustaqil davom ettirish, berilgan so‘zga ma’nodosh, uyadosh, qoshimchadosh so‘zlar tanlash singari ijodiy-amaliy topshiriqlarni bajarishda lug‘atlardan keng foydalaniladi.Ehtiyoj tug‘ilganda o‘quvchining birinchi maslahatchishi lug‘atdir.


Nazorat uchun savollar:
1.Umumiy o‘rta ta’lim maktablari ona tili darsliklarining tarkibi va mazmuni haqida gapirib bering.
2.Akadеmik litsеy va kasb-hunar kollеjlarida darsliklari mazmunini tushuntirib bеring?
3. Kasb-hunar kollеjlarida ona tili bo‘yicha DTS, dastur va darsliklarning tarkibi va mazmuni haqida qanday ma'lumotga ega bo‘ldingiz?
4. Akadеmik litsеy va kasb-hunar kollеjlarida darsliklarining tarkibi va mazmuni hamda mеtodik qo‘llanmalar, o‘qituvchi kitoblari to‘g‘risida qanday tasavvurga ega bo‘ldingiz?
5. O‘quv-mе'yoriy hujjatlar ularni rеjalashtirish dеganda nimani tushundingiz? Misollar bilan izohlang.


GLOSSARIY
DAVLAT TA’LIM STANDARTLARI – ta’limning zarur, yetarli darajasi va o‘quv yuklamalar hajmiga qo‘yiladigan asosiy davlat talablarini belgilab beruvchi mezon.
UMUMIY O‘RTA TA’LIM – bu 11yillik (I-XI sinflari) o‘qishdan iborat bo‘lgan umumiy o‘rta ta’lim – majburiy ta’limdir.
DARSLIK – DTS, o‘quv dasturi, uslubiyati va didaktik talablari asosida belgilangan, milliy istiqlol g‘oyasi singdirilgan, muayyan o‘quv fanining mavzulari to‘liq yoritilgan, tegishli fan asoslarini mukammal o‘zlashtirishga qaratilgan turdosh ta’lim yo‘nalishlarida foydalanish imkoniyatlari hisobga olingan nashr.