1-маъруза. Кириш. Фан мақсади, вазифаси ва долзарблиги

Назорат саволлари:
1.Кейинга авлод тармоқларининг вужудга келишида асосий омиллар нима ҳисобланади?
2.Кейинги авлод тармоқлари сатҳларини санаб беринг ва уларни изоҳланг.
3.Нутқни пакетли узатиш жараёнини изоҳлаб беринг.
4.Кейинги авлод тармоғининг келажаги тўғрисида изоҳ беринг.
2-маъруза


Кейинги авлод конвергент тармоқларнинг асосий тушунчалари ва атамалари.
Кейинги авлод конвергент тармоқларнинг архитектураси


Режа:

2.1. Кейинги авлод конвергент тармоқларининг атамалари;

2.2. Конвергенцияга ҳолатига ўтиш сабаблари;
2.3. Кейинги авлод конвергент тармоқлар хақида тушунча ва унинг
архитектураси;
2.4. Янги авлод конвергент тармоқларнинг тўрт поғонали модели:
абонент кириш поғонаси, транспорт поғонаси, тармоқни бошқариш поғонаси, хизматларни бошқариш поғонаси.
2.5. Архитектуранинг асосий элементлари.

2.1. Кейинги авлод конвергент тармоқларининг атамалари

Конвергенция, қурилмаларни такомиллаштириш ва функционал имкониятларини кенгайтириш мақсадида турли вазифали технологияларни аста секинлик билан яқинлашиш жараёни.
Кейинги авлоднинг алоқа тармоғи –NGN (Next Generation Network) –бошқариш орқали, мослашувчан имкониятларга эга бўлган чегараланмаган турли хизматлар мажмуасини тақдим этишни, тармоқ масалаларини такомиллаштириш ҳисобига янги хизматларни яратишни, тақсимланган коммутацияга эга бўлган универсал транспорт тармоғини қўллашни, одатдаги алоқа тармоқлари билан интеграцияни таъминловчи алоқа тармоқларини қурилиш концепцияси.
Мослашувчан (дастурий) коммутатор (Softswitch) – чақириқларни қайта ишлаш, иловалар серверига, ахборот тизимига улаш, статистик маълумотларни йиғиш, тарификация, ТфУФ тармоқлари билан ва пакетли тармоқ ичида сигнал орқали ўзаро боғланиш, уланишларни ўрнатишни бошқариш функцияларини бажаради. Бу коммутатор коммутацияни бошқариш ва маълумотларни узатиш поғонаси функцияларини қўлловчи асосий қурилма ҳисобланади.
Шлюз (Gateways)–тармоққа улановчи ва мавжуд тармоқлар билан бирлаштирувчи қурилма. Шлюз қурилмалари, пакетли коммутацияга эга бўлган тармоқларнинг сигнал маълумотларини пакетли тармоқларнинг сигнал маълумотларига ўзгартириш, шунингдек транспорт каналларининг маълумотларини IP пакетларида АТМ ячейкаларига ўзгартириш ва IPпакетларининг АТМ ячейкаларини маршрутлаштиришбўйича функцияларни қўллайди. Шлюзлар, тармоқнинг транспорт поғонасида ишлайди.