1-маъруза. Кириш. Фан мақсади, вазифаси ва долзарблиги

SDH технологияси
Бу технологиянинг танлови асосий трафик анъанавий телефон трафиги бўлиб, бошқа трафикларнинг ташкил этувчилари унчалик катта бўлмаганида (10%гача, бунда ўтказиш қобилиятининг самарадорлиги тахминан 60%гача бўлади) ўзини оқлайди. (2.4-расм)

3.4 -расм. Ўтказиш қобилиятининг самарали ишлатилиши.

Ўзбекистонда SDH технологияси телефон операторлари томонидан катта мувафаққият билан ишлатилади ва янги SDH тармоқлари қисман, мавжуд тармоқлар билан ягона бошқарувни ташкил этиш учун қурилган.

SDH технологиясининг камчиликлари сифатида сезиларли харажатлар туфайли маълумотларни узатишда ўтказиш қобилиятидан самарали фойдаланмасликни кўрсатиш мумкин.


ATM технологияси
Тармоқ операторининг асосий вазифаси реал вақтда мультимедиа трафигини ва телеметрияни (видеодастурларнинг трансляцияси, датчиклар ва бошқа қурилмалардан хизмат кўрсатиш трафигини узатиш, буларда ахборотнинг кечикиши критик аҳамиятга эга) узатиш бўлганда ATM технологиясини ишлатиш самарадор ҳисобланади.
ATM тармоғи мижознинг бутун тармоқ бўйлаб юқори QoSни тақдим этади ва баъзи холларда ўзини иқтисодий томондан оқлайди.
Gigabit Ethernet технологияси
Gigabit Ethernet технологияси ўзининг юқори тезликда маълумот узатиши ва паст нархи эвазига маълумот узатиш магистрали сифатида кенг тарқалди. Gigabit Ethernet ва 10-Gigabit Ethernet технологияларини шаҳар масштабидаги NGN тармоғининг таянч қисмини қуришда ишлатиш иқтисодий самарали ҳисобланади. Чунки бунда канални ҳосил қилувчи махсус қурилмалардан воз кечилади ва тармоқнинг таянч қурилмалари сифатида локал тармоқ ишлатиладиган марказий маршрутизацияловчи коммутаторлардан фойдаланилади. Бу мақбул даражадаги рад этишларга бардошлиликни ва оптик алоқа каналларининг ўтказиш қобилиятини бир қанча Гбит/с гача ошириш имконини беради (тўлиқ дуплексни ҳисобга олган ҳолда).


xWDM технологиялари
Турли тўлқин узунлиги бўйича мультиплексорлаш технологияларининг танлови турли мавжуд магистрал технологиялар-SDH, ATM, Gigabit Ethernet ва бошқаларнинг трафигини узоқ масофага ва юқори даражадаги ишончлилик билан узатишни таъминловчи универсал транспорт муҳитини қуриш зарурияти бўлганда асослидир. Қоидага мувофиқ xWDM тармоқлари трафикнинг сезиларли ошишида SDH/ATM тармоқларнинг мантиқий ривожланиши ҳисобланади.