1-маъруза. Кириш. Фан мақсади, вазифаси ва долзарблиги

4.5. MGCP протоколи

Узатиш муҳитлари орасидаги шлюзларни бошқариш протоколи (Media Gateway Control Protocol, MGCP) ҳозирда International Softswitch Consortium дейиладиган гуруҳ томонидан таклиф этилган. 1998 йилни ўрталарида техник маслаҳат қўмитаси (Technical Advi­sory Council, TAC) ташкил этилган, унга ўнлаб етакчи коммуникацион қурилмалар ишлаб чиқарувчилари кирган ва IP қурилмаларни бошқариш протоколи (Internet Protocol Device Control, IPDC) таклиф этилган. Шу билан бир вақтда Telcordia оддий шлюзларни бошқариш протоколини (Simple Gateway Control Protocol, SGCP) ишлаб чиқди. IETF Megaco ишчи гуруҳини шакллантирганидан кейин протоколлар бирлаштирилди, бунинг натижасида MGCP пайдо бўлди.

MGCP Megaco ишчи гуруҳининг кўриб чиқишига тақдим этилди. Шу билан бирга Lucent Technologies узатиш муҳити қурилмаларини бошқариш протоколи (Media Device Control Protocol, MDCP) номидаги учинчи протоколни тақдим этди ва барча таклифларнинг қўшилиши натижасида янги такомиллаштирилган Megaco дейиладиган (у шунингдек Н.248 сифатида маълум) протокол ташкил топди.
MGCP протоколининг маъноси шундан иборатки, сигнализацияни бошқариш сигнализация контроллери дейиладиган марказий бошқариш қурилмасига жамланганлиги ва медиа оқимлардан тўлиқ ажратилган. Бу оқимлар бошқариш қурилмасидан чиқадиган командаларнинг фақат чекланган тўпламини бажаришга қодир бўлган шлюзлар ёки абонентлар терминалари орқали қайта ишланади.
MGCP-тармоқ протоколининг архитектураси жуда оддий, унда атига иккита функционал компонент ажратилади. Биринчиси шлюз ёки IP-телефон бўлиши, иккинчиси эса сигнализация контроллери, MGC шлюз контроллери ёки тез мослашувчан коммутатор (Softswitch) дейилиши мумкин бўлган чақирувларни бошқариш қурилмаси бўлиши мумкин. Баъзида сигнализация контроллери иккита компонентлардан – шлюзларни бошқариш функциясини бажарадиган контроллернинг ўзидан ва сигналли маълумотларни алмашинувини ва анъанавий телефон тармоғи ва IP тармоқ орасида мослашувни таъминлайдиган сигнализация шлюзидан иборат бўлади.