1-маъруза. Кириш. Фан мақсади, вазифаси ва долзарблиги

4.6. BICC протоколи

Ўтказиш муҳитига боғлиқ бўлмаган ҳолда чақирувларни бошқариш протоколи (Bearer Independent Call Con­trol protocol, BICC [35]) ITU-T томонидан ишлаб чиқилган (Q.I900...Q.I999 Тавсиялар) ва УФТТ абонентидан (абонентига) боғланишларни ўрнатишда MGCларнинг ўзаро таъсирлашиши учун қўлланилиши мумкин.

BICC протоколи иккита ОКС № 7 тармоқларини пакетли коммутация тармоғи орқали боғлаш мақсадида ишлатилади. Модомики, BICC хабарлари турли пакетли тармоқлар орқали узатилиши мумкинлигига эришилган экан, у ҳолда BICC протоколи сигналли маълумотларни узатиш усулига боғлиқ бўлмай қолди.
Сигнализация транспорти тизими BICC протоколининг асосий ташкил этувчиларидан бири ҳисобланади. Ҳар бир сигналли алоқага биттадан STC (Signaling Transport Converter) объекти кўзда тутилмоқда. BICC протоколи SAP (Service Access Point) хизматига мос уланиш нуқтасини ишлатиш билан бу сигналли алоқа хабарларини узатади ёки қабул қилади. Иккита (Call Service Function) чақирувларга хизмат кўрсатиш функциялари бир хил аҳамиятга эга бўлган блоклари, улар орасида маълумотларни ишончли узатилиши ва хизматларга уланишликнинг индикацияси учун BICC сигналли маълумотларини ташиш хизматини ишлатади. Шундай қилиб, бир даражали BICC протоколли бирликлари орасида BICC хабарларининг алмашинуви бу хизматдан фойдаланиш орқали бўлиб ўтади.


4.7. SIGTRAN протоколи

Signaling Transport (SIGTRAN) протоколи IP-тармоқлар бўйича сигналли маълумотларни узатиш учун протоколлар тўпламидан иборат. У VoIP тақсимланган архитектурасида асосий транспорт компоненти ҳисобланади ва SG, MGC, Gatekeeper (дарвозабон) каби қурилмаларда ишлатилади.

SIGTRAN маълумотлар оқимларини бошқариш протоколи (Stream Control Transmission Protocol, SCTP) ва мослаштириш даражалари функцияларини ишлатади. SCTP сигналли маълумотларни ишончли узатилишига жавоб беради, оқимларни бошқаришни амалга оширади, хавфсизликни таъминлайди. Мослаштириш даражалари функцияларига SCTP хизматларини ишлатадиган мос сигналли даражалардан сигналли маълумотларни узатиш киради. Бу протоколлар фойдаланувчилар маълумотларини сегментлаштирилиши ва пакетлаштирилиши, қонуний фойдаланувчининг имитацияланишидан, узатиладиган маълумотлар мазмунини ўзгартирилишидан ҳимоялаш ва бошқа қатор функцияларга жавобгар.