1-маъруза. Кириш. Фан мақсади, вазифаси ва долзарблиги

Фаннинг ўқув режадаги бошқа фанлар билан ўзаро боғлиқлиги ва услубий жихатдан узвий кетма-кетлиги

«Кейинги авлод конвергент тармоқлари» асосий ихтисослик фани хисобланиб, 7,8 семестрда ўқитилади. Дастурни амалга ошириш ўқув режасида режалаштирилган математика ва табиий (олий математика, физика) умумкасбий (электр занжирлари назарияси, электр алоқа назарияси, электроника ва схемотехника, рақамли қурилмалар ва микропроцессорлар, алоқа қурилмаларининг электр таъминоти, оптик алоқа тизимлари) ихтисослик (рақамли коммутация тизимлари) фанларидан етарли билим ва кўникмаларга эга бўлишини талаб этади.

Фаннинг ишлаб чиқаришдаги ўрни

Кейинги авлод конвергент тармоқлари, ҳар хил протоколлардан фойдаланган ҳолда фойдаланувчилар талабларига биноан мультисервисли хизматларни амалга ошириш, уларни сифатини ва ахборот хавфсизлигини кафолатлаш, замонавий мультисервисли технологияларни ва қурилмаларни тармоққа татбиқ қилиш, тармоқ инфраструктурасини оптималлаштириш, имконини беради. Шаҳарлараро, шаҳар ва қишлоқ конвергент тармоқларини қуришда кенг қўлланилади.

Фанни ўқитишда замонавий ахборот ва
педагогик технологиялар

Талабаларга “Кейинги авлод конвергент тармоқлари” фанини ўзлаштиришлари учун ўқитишнинг илғор ва замонавий усулларидан фойдаланиш, янги информацион-педагогик технологияларни тадбиқ қилиш муҳим ахамиятга эгадир. Фанни ўзлаштиришда дарслик, ўқув-услубий қўлланмалар, маъруза матнлари, тарқатма материаллар, электрон материаллардан фойдаланилади. Маъруза ва амалий дарсларда мос равишдаги илғор педагогик технологиялардан фойдаланилади.

Талабаларни “Кейинги авлод конвергент тармоқлари” фанини ўзлаштиришлари учун ўқитишнинг илғор ва замонавий усулларидан фойдаланиш, янги информацион педогогик технологияларни татбиқ қилиш муҳим аҳамиятга эгадир. Фанни ўзлаштиришда дарслик, ўқув ва услубий қўлланмалар, маъруза матнлари ва уларнинг электрон шакллари, маълумотлар электрон базасидан, макетлардан, ўқув жараёнига мўлжалланган технологиялардан фойдаланилади. Маъруза ва лаборатория дарсларида мос равишдаги илғор педогогик технологиялардан фойдаланилади.