1. Мамлакат ер фондининг асосий тоифалари ва уларнинг мазмуни

38. Ерларни рекультивациялашнинг асосий йўналишлари ва бу мақсадлар учун ишчи лойиҳалар ишлаш тартиби. Ерларни рекультивациялаш-бу инженерлик, техник, мелиорация, агротехника ва бошқа тадбирлар тизими бўлиб, бузилган ерларнинг биологик унумдорлигини ва халқ хўжалиги учун аҳамиятини тиклашга ҳамда атроф муҳит шароитини яхшилашга қаратилгандир. Фаолияти ернинг бузилишига олиб келадиган объектлар учун ер ажратишда рекультивациялаш ишлари технологик жараённинг ажралмас қисми сифатида лойиҳаланиши керак. Рекультивация ерлардан ҳар хил тармоқларда ва мақсадларда, асосан қишлоқ хўжалигида, фойдаланиш учун бажарилиши мумкин. Рекультивацияланган ерлардан фойдаланиш усуллари улар жойлашган табиий ва техник шароитларга, хўжалик ва ижтимоий заруратларга ва иқтисодий манфаатдорликка боғлиқ бўлади. Ерларни рекультивациялашнинг асосий йўналишлари: -қишлоқ хўжалиги - унумдор ер турлари учун; -ўрмон хўжалиги - ҳар хил турдаги ўрмонларни яратиш учун; -балиқ хўжалиги - балиқчилик ҳавзаларини яратиш учун; -сув хўжалиги - ҳар хил мақсадалардаги сув ҳавзаларини яратиш учун; -рекреация - дам олиш объектлари учун; -санитария-гигиена - атроф муҳитга салбий таъсир кўрсатувчи бузилган ерларни биологик ёки техник консервациялаш мақсадида; -қурилиш - қурилишлар жойи учун.
39. Қишлоқ хўжалиги корхоналари чегараларида учрайдиган хато камчиликларни бартараф этиш билан боғлиқ хўжаликлараро ер тузиш лойиҳаларини ишлаб чиқиш тартиби Қ/х ва ноқишлоқ хўжалик ер эгаликлари ва ердан фойдаланишларида барча вазиятларда хўжаликлараро ер тузиш лойиҳасининг умумий мазмуни қуйидаги асосий масалаларни ишлашдан иборат бўлади: объект тагидаги ер участкаси майдонини аниқлаш; участкани ҳудудда жойлаштириш; участка таркибига ер турларининг зарур майдонларини киритиш; участкага мақсадга мувофиқ шакл бериш; участка чегараларини жойлаштириш. ХАЕТ объектлари корхоналар, ташкилотлар, муассасалар, ер фондлари ва бошқа ерларини тузиш зарур бўлган объектлар: хўжаликлар, хўжаликлар гуруҳлари (корхоналар, бирлашмалари, маъмурий туманлар, аҳоли яшаш жойлари, ўзлаштириладиган ҳудудлар) ҳисобланади. Чегаралаш - бу ягона давлат тизими бўйича чегараларни белгилаш (тиклаш, жойларда ўзгартириш, техник ва ҳуқуқий расмийлаштириш) ва маъмурий - ҳудудий тузилмаларнинг ва бошқа объектларнинг майдонларини аниқлаш бўйича ер тузиш ишларидир. У фақат объект чегараларига тааллуқли бўлиб, унинг ҳудудининг ички тузилиши билан боғлиқ эмас.