1 м а ъ р у з а: Кириш. Фаннинг мақсади ва вазифалари

Ишларни бажариш лойиҳаси (ИБЛ).
Объектни жами ишлар 
мажмуасига ва тайёрлов давридаги ишларига ишларни бажариш лойиҳасини 
ҚТЭЛ асосида бош пудратчи ташкилот ишлаб чиқади. Алоҳида мураккаб ёки 
биринчи марта тадбиқ этилаётган ишларга ИБЛни махсус монтаж ёки лойиҳа 
ташкилотлари ишлаб чиқади. 
Ишларни бажариш лойиҳаси объект қурилишини режалаштирилган 
муддати, ҳажми ва айрим ишлар мураккаблигига қараб қурилиш 
ташкилотининг қарори асосида ишлаб чиқилиши мумкин: 
• бутун бино ва иншоот қурилишига; 
• бинони айрим қисмини барпо этишга, яъни ер ости ёки ер усти 
қисми, секция, оралиқ, қават, ярус; 
• техник жиҳатдан мураккаб айрим қурилиш ишларини бажариш 
учун; 
• тайёрлов даври ишлари учун. 
Замонавий конструкциялар, монтажнинг ёки бино ва иншоотларнинг
монолит конструкцияларини барпо этишдаги ўзига хослиги, барпо этишда 
қўлланиладиган 
нооддий 
усуллар, 
қурилишни 
ташкил 
этиш, 
механизациялаштириш ва технологиясида махсус муҳандислик ечимларини 
қабул қилинишини тақоза қилади. Монтаж ишларини бажариш учун керакли 
асосий ташкилий- технологик ечимлар ИБЛ таркибида бўлиб, у қўйидагилар 
учун ишлаб чиқилади. 
• қурилиш-монтаж ишларининг энг самарали бажариш усулини 
аниқлаш учун; 

---

• барча ҳаражат турларини камайтириш учун; 
• қурилиш муддатини қисқартириш учун; 
• механизация воситаларидан тўлиқ фойдаланиш учун; 
• ишларни бажариш хавфсизлигини таъминлаш учун. 
Бино ва иншоот қурилиши учун ишлаб чиқиладиган ишларни 
бажариш лойиҳаси ишларни бажарувчи буюртмачи сифатидаги қурилиш ёки 
монтаж ташкилотининг топшириғи асосида ишлаб чиқилади. 
ИБЛни ишлаб чиқиш учун бошланғич маълумотлар қуйидагилардир: 
• буюртмачидан ИБЛни ишлаб чиқиш учун топшириқ; 
• объект қурилиши учун олдин ишлаб чиқилган ҚТЭЛ; 
• керакли зарурий лойиҳа ҳужжатлари−ишчи чизмалар, ҳисоблар; 
• қурилишни ўзига хослигини эътиборга олувчи омиллар − 
конструкция, материал ва деталларни етказиб бериш шарт-шароитлари, 
қурилиш машиналари ва транспорт воситаларининг мавжудлиги, ишчи 
кадрлар билан таъминланганлиги; 
• ўхшаш бино ва иншоотларнинг қурилишига доир ҳужжатлар ва 
ҳисоблар. 
Топшириқда ҳужжатларни тайёрлаш муддати кўрсатилган бўлиши 
керак, шунингдек, ИБЛни маъқул лойиҳалаш учун ишларни бажариш 
графиги ва сметаси, металлконструкциялар тўпламининг ишчи чизмалари, 
йиғма-темирбетон чизмалари, монтаж тугунларининг чизмалари ва рўйхати, 
монтаж конструкцияларининг келишилган етказиш муддатлари