1 м а ъ р у з а: Кириш. Фаннинг мақсади ва вазифалари

 
6-МАЪРУЗА:
Биноларни таъмирлаш ва реконструкция қилишни 
муҳандислик жиҳатидан тайёрлаш
Маъруза режаси 
1.
Ишларни бажаришнинг календар режасининг шакллари.
2.
Қурилиш-таъмирлаш ишларининг ҳажми ва меҳнат сарфлилигини 
аниқлаш. Қурилиш-таъмирлаш ишларини технологик лойиҳалаштириш. 
3.
Қурилишнинг бош режасини ишлаб чиқиш. 
6.1 Ишларни бажаришнинг календар режасининг шакллари 
Қурилиш-таъмирлаш ишларини бажаришнинг календарь режаси график 
шаклда ишлаб чиқилиб, у қуйидаги кўринишларга эга бўлиши мумкин: 
-горизонтал-чизиқли график; 
-циклограмма; 
-тармоқли график. 
Горизонтал-чизиқли график икки қисмдан иборат бўлиб, унинг чап 
томондаги қисмида рақамлар жойлаштирилади, ўнг томонидаги қисми 
графикдан иборат бўлади. 
График кўринишида берилган календарь режа таъмирлаш жараёнининг 
ахборот модели бўлиб, ишлаб чиқариш мана шу модель асосида 
бошқарилади. Ахборот модели жараён технологияси ва ташкил этилишини 
тўғри акс эттириши ҳамда ишларнинг бориши тўғрисида зарур ва етарли 
ахборот олинишини таъминлаши лозим. Шундагина у ҳақиқий бошқарув 
инструменти бўла олади. 
Ишларни бажаришнинг календарь режасини ишлаб 
чиқиш ҳамда ишларни бажариш лойиҳаси (ИБЛ) таркибидаги асосий 
ҳужжатлар рўйхати:
Ишларни бажариш лойиҳаси таркибида ҚМҚ 3.01.08-99 бўйича қуйидаги 
хужжатларнинг бўлиши талаб қилинади: объект бўйича ишларни бажариш 
календарь режаси (1-шакл, 2,5-жадвалга қаранг); объектга қурилиш 
конструкциялари, материаллари ва ускуналарнинг келиб тушиш графиги
(2-шакл 2,6-жадвал); объект бўйича ишчи кадрларга бўлган эҳтиёж 
графиги (3-шакл 2,7-жадвал); объект бўйича асосий қурилиш 
машиналарига бўлган эҳтиёж графиги (4-шакл 2,8-жадвал). 

---

Календарь режа таъмирлаш жараёнининг фазода ва вақтда кечишини 
(календарь кунларига тўғрилаган ҳолда) кўрсатади ҳамда барча ишлар 
мажмуини қамраб олади. 
Ишларни бажариш календарь режаси қуйидаги тартибда ишлаб 
чиқилади: 
-ҳажмлари кўрсатилган ҳолда ишлар рўйхати тузилади; 
-ишларнинг меҳнат сарфлилиги аниқланади; 
-иш жараёнлари ва цикллари учун бажарувчилар таркиби танланади; 
-ишларнинг бошланиш ва тугалланиш муддатлари лойиҳалаштирилади.