1-Laboratoriya mashg’uloti

Mashg’ulotning maqsadi: Yomg’ir chuvalchangining tashqi tuzilishi va harakatlanishi tuproq muhitida yashashga moslashganligi to’g’risida tushuncha hosil qilish, o’quvchilarda hayvonlarni mustaqil o’rganish va kuzatish ko’nikmalarini rivojlantirish.

Kerakli jihozlar: Mashg’ulotning texnologik xaritasi(har bir o’quvchiga bittadan), tirik chuvalchang solingan nam tuproqli idish, lupa, oyna, karton qag’oz, chizgich.



Tirik chuvalchang Lupa Oyna Karton qog’oz Chizgich

Ishning borishi: Tirik chuvalchang tuproqdan olinib quyidagi ishlar bajariladi.

1. Tanasining oldingi konussimon ingichkalashgan va keyingi birmuncha to’mtoq romonini aniqlanadi.

2. Tana halqalari lupa yordamida sanab chiqiladi, uning turli qismlarida halqaning katta kichikligi aniqlanadi.

3. Tananing qoramtir do’ng orqa va oqish yassi qorin tomonini aniqlab, oldingi tomonidagi belbog’ topiladi.

4. Orqa va qorin yirik tomirlari topiladi va ularning yo’nalishi aniqlanadi.

5. Chuvalchang bir qavat silliq bo’lmagan qog’oz ustiga qo’yiladi. Yomg’ir chuvalchangi qog’oz ustida harakatlanganda uning tuklari qag’ozga ishqalanib shitirlagan tovush chiqarishi tinglanadi.

6. Juda ehtiyotkorliklik bilan barmog’ingizni chuvalchangning qorin tomoni bo’ylab orqadan oldinga, keyin oldindan orqaga yuriting. Bunda chuvalchangning tuklari barmog’ingizga tegishini sezasiz

7. Lupa yordamida tana halqalarining qorin tomonida joylashgan tuklarini toping.

8. Chuvalchangni oyna ustiga va silliq bo’lmagan qag’oz ustiga qo’yib, uning harakatini kuzating. Uning oyna ustida qiyin harakatlanishi sababini tushuntiring.

9. Cho’p yoki qalam uchini chuvalchang tanasining turli joyiga tekkizib ko’ring va chuvalchangning harakatini kuzating.

10. Chizgich bilan chuvalchang tanasini uzunligini har-xil holatda o’lchab ko’ring. Chuvalchang rasmini chizib, a’zolarini ko’rsating.

11. Chuvalchangni tuproq ustiga qo’yib, uni tuproq zarralari orasiga suqilib kirishini kuzating.

Uyga vazifa: Mashg’ulotning texnologik xaritasini to’ldirib xulosa yozib kelish.