1-kurs Bilim sohasi: 100000 – Gumanitar soha Ta’lim sohasi

Fanni o‘rganishning maqsad va vazifalari. Ko‘chmanchilar madani­yatini o‘rganish Markaziy Osiyo xalqlari tarixida muhim ahamiyatga ega bo‘lib, bu jarayonni talabalarga xolisona tushuntirib berish, kerakli manba va adabiyotlar bilan qurollantirish, ularda ushbu fan sohasi bo‘yicha ko‘nikma va tushunchalarni shakllantirish, talabalarga atroflicha bilim berish, barkamol avlodni tarbiyalashda nomad madaniyati merosidan unumli foydalanish va ularni vatanparvarlik ruhida tarbiyalash borasida madaniy merosga hurmat nuqtai nazaridan yondoshuv prinsiplarini shakllantirish lozimdir.

Kurs davomida skif va sarmat qabilalari, ularning yashagan hududlari, ular to‘g‘risidagi manbalarni o‘qish va tahlil qilish, Skifiya. skif-sak qabilalari, alanlar, aslar, sharqiy eron til guruhiga mansub xalqlar haqida to‘liq bilimni shakllantirish nazarda tutiladi. Oriy qabilalari, ularning ko‘chishi bilan bog‘liq jarayonlar to‘liq qamrab olinishi lozim. Oltoy til oilasi, prototurklar kimlar va ularning joylashuvi bilan bog‘liq muammolar, fin-ugor qabilalari, slavyanlar, ularning madaniyati na’munalari bilan tanishiladi. Bundan tashqari “Avesto” kitobi qadimgi aholi turmush tarzi va madaniyati bo‘yicha muhim manba ekanligini tahlil qilish, nunon-rim manbalaridagi – Gerodot, Strabon, Kvint Kursiy Ruf, qadimgi xitoy manbalarida qadimgi ko‘chmanchi qabilalar to‘g‘risidagi ma’lumotlarni tahlil qilish va ilmiy muomalaga olib kirish kursning maqsadi hisoblanadi.