1-kurs Bilim sohasi: 100000 – Gumanitar soha Ta’lim sohasi

Nazariy materiallar
1-mavzu. MARKAZIY OSIYODA NOMAD MADANIYATI GENEZISI VA TARAQQIYOTI FANINING MAQSAD VA VAZIFALARI

Reja:

1. 
   Markaziy Osiyoda nomad madaniyati genezisi va taraqqiyoti fanining predmeti.
   
2. 
   Markaziy Osiyoda nomad madaniyati genezisi va taraqqiyoti fanini o‘rganishning tamoyillari.
   
3. 
   Fanni o‘rganishning maqsad va vazifalari.
   
4. 
   Nomad ibrasining ma’nosi.
   
5. 
   Nomad madaniyatining tarixshunosligi.
   

Tayanch so‘z va iboralar: nomadlar, nomad madaniyati, nomadizm, tamoyillar, xolislik, tarixiylik, dialektik tamoyil
Markaziy Osiyoda nomad madaniyati genezisi va taraqqiyoti fanining predmeti. Markaziy Osiyoda nomad madaniyati genezisi va taraqqiyoti fanining predmeti Markaziy Osiyodagi ko‘chmanchilik turmush tarziga ega xalqlar hisoblanadi. Ularning asrlar davomida shaklllangan turmush-tarzi, urf-odatlari, madaniy merosining tadqiqotchilar tomonidan o‘rganilishi katta ahamiyat kasb etmoqda. Yer yuzida paydo bo‘lgan barcha xalqlar borki, ular o‘z davrida ko‘chmanchilik hayotini boshdan kechirgan. Shu jumladan, Markaziy Osiyo xalqlari ham nomad madaniyatiga ega xalqlar hisoblanadi. Shuning uchun ularning madaniyatining paydo bo‘lishi va taraqqiyot dinamiikasini o‘rganish amaliy ahamiyat kasb etadi.

Markaziy Osiyoda nomad madaniyati genezisi va taraqqiyoti fanini o‘rganishning tamoyillari. Fanni o‘rganishda bir qancha metodologik tamoyillarga tayanmoq kerak. Birinchidan, xolislik va haqqoniylik nuqtai nazaridan masalaga yondoshmoq zarur, sub’ekt­ning rolini nazardan chetda tutish zarur. Ikkinchidan, tarixiylik prinsipi asosiy tamoyillardan hisoblanadi. Ko‘chmanchilar hayotini bir butun jarayon sifatida qarash zarur. Uchinchidan dialektik tamoyil, voqea va hodisalarni bir-birlari bilan uzviylikda ko‘rib chiqish, Markaziy Osiyo ko‘chmanchilarini boshqa mintaqalar bilan bog‘liqlik holatlarini nazardan qochirmaslik lozim.