1§. Jamiyatni axborotlashtirish va kompyuterlashtirish muammolari

Intel Pentium II Xeon (1998). Yirik tashkilot va korxonalarni boshqarish uchun mo’ljallangan qudratli mikroprotsessordir. Unga sakkiztagacha mikroprotsessorlarni ulash mumkin. Krisstallarga o’rnatilgan katta sig’imli kesh-xotirasining mavjudligi, uning etarli darajadagi tezlik bilan ishlashiga imkon beradi. 32 razryadli.
Intel Pentium II Celeron (1998). Intel Pentium II Xeon mikroprotsessori juda qimmat turadi. SHuning uchun ham Intel kompaniyasi bunday mikroprotsessorlarning narxini tushirib, bozorbop qilish maqsadida kesh-xotiraning sig’imini kamaytirdi va bu yangi mikroprotsessorni Intel Pentium II Celeron deb atadi. Bu mikroprotsessorning tezligi Intel Pentium II Xeonga qaraganda bir oz kamaygan bo’lsada narxi undan ancha past.
Intel Pentium III, Intel Pentium III Xeon (1999). Pentium II va Pentium II Xeon mikroprotsessorlarining takomillashgan varianti. Multimedia (grafiklar, tasvirlar, ovozlar) bilan ishlashga imkon beruvchi qudratli vositalar bilan boyitilgan. Narxi qimmatroq bo’lgani bilan tezligi juda yuqori. 32 razryadli.
Intel Pentium IV, Intel Itanium (2000). Kompyuter tenologiyalarning eng yangi yutuqlari asosida ishlab chiqilgan 64 razryadli mikroprotsessor bo’lib, hozirgi paytda eng tez ishlovchi va eng qudratli qurilmadir.
AMD K5 (1996). Ko’rsatkichlari Intel Pentium ga o’xshash bo’lib, arzon bo’lganligi uchun keng tarqalgan. Kamchiligi - tez qizib ketishidir.
AMD K6 (1997). Intel Pentium II ga raqobatdosh sifatida ishlab chiqilgan. Multimedia xizmatini ko’rsatishga moslashgan MMX buyruqlari bilan ishlashga moslashgan. Katta hajmli tezkor va doimiy xotiraga ega.
AMD K6-2 (1998). Multimedia bilan ishlashga muljallangan MMX texnologiyasini hisobga olgan holda yaratilgan. Katta hajmli xotiralarga ega. 3D-Now(AMD) texnologiyasi grafik ma’lumotlar bilan ishlash sifatini sezilarli darajada oshirgan. Arzon bo’lishiga qaramasdan, AMD K6 ga qaraganda bir qancha afzalliklarga ega.
AMD K6-3 (1999). Pentium III bilan raqobat qiluvchi mikroprotsessor sifatida ishlab chiqilgan. Grafik ma’lumotlar bilan tez ishlashga imkon beruvchi 3D Now (AMD) texnologiyasi qo’llanilgan. Ishlash sur’ati Pentium III ga qaraganda yuqori, narxi esa ancha arzon.