1§. Jamiyatni axborotlashtirish va kompyuterlashtirish muammolari

Fayl-serverlar (File-Servers) - foydalanuvchilarga turli axborot tizimlaridagi fayllar bilan ishlashga imkon beruvchi serverlar;
Arxivli serverlar (Storage Exspress System) - foydalanuvchilarga turli elektron arxivlar bilan ishlashga imkon beruvchi serverlar;
Faks-serverlar (Net Satis Faxion) - foydalanuvchilarga ko’p adresli elektron faksimal aloqa xizmatidan foydalanishga imkon beruvchi serverlar;
Pochta serverlari (Mail - servers) - foydalanuvchilarga ko’p adresli elektron pochta xizmatidan foydalanishga imkon beruvchi serverlar;
Bosmaga chiqarish serverlari (Print-servers) - foydalanuvchilarga printerlar tizimidan foydalanishga imkon beruvchi serverlar;
Server-telekonferentsiyalar (Servers-teleconferans) - videotasvirlarni qayta ishlab, foydalanuvchilarga uzatishga imkon beruvchi serverlar. Asosan video va audio konferentsiyalarni tashkil qilishda ishlatiladi.
3.6. Shaxsiy kompyuterlar
Shaxsiy kompyuterlar (PC yoki Personal Computers) jahonda eng ko’p tarqalgan kompyuter turi bo’lib, uning dastlabgi turi 1976 yilda AQSHda S.Djobs va S.Voznyaklar tomonidan yaratildi va bunday kompyuterlar Apple (olma) deb ataldi. SHundan buyon shaxsiy kompyuterlarning 8 ta avlodi ishlab chiqildi. Bularga quyidagilar misol bo’la oladi:
1-avlod. Intel 8086 mikroprotsessorlari o’rnatilgan IBM PC kompyuterlari (1980-1985 yillar). IBM kompaniyasining dastlabgi shaxsiy kompyuterlaridandir;
2-avlod Intel 80286 mikroprotsessorlari o’rnatilgan IBM PC AT, IBM PC XT va IBM PC 286 kompyuterlari (1985-1986 yillar). O’sha davrdagi boshqa kompyuerlarga nisbatan katta imkoniyatlarga ega bo’lgani uchun juda qimmat turgan. Masalan, IBM PC 286 kompyuterining narxi ikkita "Volga" avtomashinasining narxiga teng bo’lgan.
3-avlod. Intel 80386 mikroprotsessorlari o’rnatilgan IBM PC 386, IBM PC 386SX, IBM PC 386DX kompyuterlari (1987-1988 yillar). Bunday kompyuterlarda hozir ham murakkab hisoblash ishlarini bajarish, "elektron yozuv mashinkasi" sifatida foydalanish va Internet aloqa tizimiga chiqish mumkin;
4-avlod. Intel 80486 mikroprotsessorlari o’rnatilgan IBM PC 486, IBM PC 486SX, IBM PC 486DX kompyuterlari (1988-1990 yillar). MS DOS boshqaruvidagi programmalar yordamida murakkab hisoblash va boshqarish ishlarini bajarish mumkin. Windows 3.1, Windows 95 operatsion tizimlari hamda Internet aloqa tizimi bilan ishlashga imkon beradi.