1-laboratoriya ishi matlab dasturining komandalar rejimida hisoblash ishlarini bajarishni o’rganish Ishdan maqsad

1-laboratoriya ishi
MATLAB dasturining komandalar rejimida hisoblash ishlarini bajarishni o’rganish


Ishdan maqsad: MATLAB dasturi va uning ishchi oynalari bilan tanishish; MATLAB dasturining komandalar rejimida elementar hisoblash ishlarini bajarish bo’yicha misollar yechish.


Nazariy qism
MATLAB (MATrix LABoratory - matritsali labarotoriya) dasturiy tizimi Math Works Inc. firmasi mutaxasislari tomonidan yuqori darajali texnik hisoblarni dasturlash tili sifatida ishlab chiqilgan. MATLAB tizimi orqali quyidagi masalalarni yechish mumkin: matritsali tahlil, signal va tasvirlarni qayta ishlash, matematika va fizika masalalari, optimallash masalasi, ma’lumotlarni qayta ishlash va kuzatish, kartografik tasvirlar bilan ishlash va shu kabi boshqalar.
MATLAB ning asosiy qulayliklaridan biri modifikatsiyalash imkoniyati mavjudligida. Bu esa fan texnika taraqqiyoti natijasida vujudga keluvchi yangidan-yangi masalalarni kengaytiruvchi paketlar yordamida kompyuterda yechish imkonini beradi. MATLAB bu interaktiv tizim bo‘lib, unig asosiy ma’lumotlar elementi massivlar hisoblanadi. Bu matritsa va vektorlar orqali yechiladigan har xil texnik masalalarni yechish imkoniyatini kengaytiradi. Si yoki Fotrtran kabi dasturiy tillarda tuzilgan disturlarga nisbatan MATLAB tizimi qulay.
MATLAB dasturiy tizimi bir necha yillardan beri rivojlanib kelmoqda. Bu tizim ta’lim tizimida matematika, mashinasozlik, energetika va fan sohalarida modellashtirish va hisob ishlarini bajarishda keng qo‘llanilishi bilan birga, ishlab chiqarishda tadqiqot o‘tkazish, ma’lumotlarni qayta ishlash va tahlil qilishda samarali vosita sifatida qo‘llanib kelinmoqda.
MATLAB tizimi o‘nlab kengaytirma paketlardan iborat. Bu paketlar to‘plami, ya’ni ToolBoxes yordamida qurilma va tizimlarni oson modellashtirish mumkin. ToolBoxes - bu MATLAB tizimining har xil funksiyalar to‘plami (m-fayllar). ToolBoxes dan signallarni qayta ishlashda, nazorat tizimida, neyron tarmoqlarida, aniqmas mantiq masalalarini yechishda, modellashtirishda va shu kabi boshqa maqsadlarda foydalaniladi.