1. Инвестицияларнинг моҳияти

3. Фойдалилик нуқтасини аниқлашнинг бевосита усули

Ушбу кўрсаткичларни бошқачароқ йўл билан ҳам ечиш мумкин. Энг аввало, харажатларнинг иккига бўлинишини инобатга олиш лозим.

1. 
   Доимий (ўзгармас) харажатлар - 100,0 минг сўм
   
2. 
   Ўзгарувчи харажатлар - 140,0 минг сўм
   

Иккинчидан, маржинал фойда (Мф) аниқланади. Бу учун маҳсулотнинг сотилиш қийматидан (Қ) унинг ўзгарувчи харажатлар бўйича таннархи (Тн) айрилади:
Мф = Қ - Тн (5)

Маҳсулотнинг (иш, хизматнинг) сотилиш қиймати 3,0 минг сўм унинг ўзгарувчи харажатлар бўйича 2,0 минг сўм. У ҳолда ҳар бир маҳсулот (иш, хизмат)дан олинадиган маржинал фойданинг миқдори 1,0 минг сўмни (3,0-2,0) ташкил қилади.

Учинчидан, барча харажатларни қоплаш учун зарур бўлган маҳсулот (иш, хизмат) ҳажми (Q) аниқланади.
Бу учун доимий (ўзгармас) харажатлар сўммасини (Дх) маржинал фойда сўммасига (Мф) бўлинади:


Дх
Q = -------------- (6.)
Мф
Бизнинг мисолимизда барча харажатларни қоплаш учун зарур бўлган маҳсулот (иш, хизмат) ҳажми 100 донани (бирликни) ташкил қилади.


100,0
Q = ------------- = 100 дона (бирликда)
1,0
Демак, мазкур тадбиркор бир ой муддатда барча харажатларни қоплаш учун 100 дона маҳсулот (иш, хизмат) ишлаб чиқариб сотиши лозим экан.
Аммо тадбиркорнинг мақсади ўз фаолияти натижасидан фойда олишдан иборатдир. Фойда сўммаси ҳам бизнес режада олдиндан аниқланади ва кўзда тутилади. У холда мазкур тадбиркор барча харажатларини қоплаб кўзда тутилган фойдага эришиш лозим бўлган маҳсулот (иш, хизмат)ҳажмини (Qкт) аниқлаш учун ўзгармас харажатларга (Дх) бизнес режада кўзда тутилган фойда сўммасини (Фбр) қўшиб маржинал фойда сўммасига (Мф) бўлинади:
Дх + Фбр
Qкт = ------------------- ; (7)
Мф
Фараз қиламиз мазкур тадбиркорнинг бир ойда оладиган фойдаси 25,0 минг сўмни ташкил қилади. У ҳолда ушбу кўзланган фойдага эришиши учун у шу ойда 125 дона маҳсулот (иш, хизмат) ишлаб чиқариб сотиши лозим экан.