1-илова ўзбекистон республикаси мактабгача таълим вазирлиги

Кичик соҳа: Бадиий-ижодий қобилиятлар
Талаб: Бола атрофдаги борлиқни ижодий ўзгартириш малакасига эга.
Кутилаётган натижа:

• 
  турли предметлардан композициялар яратади;
  
• 
  индивидуал ва жамоада қўшиқ айта олади;
  
• 
  рақсда ҳаракатларига жило берган холда шахсий намуна яратиши мумкин;
  
• 
  мусиқий асбобларда яккахон ёки оркестрда жўр бўлиб чалиши мумкин;
  
• 
  ғоя яратади ва татбиқ этади;
  
• 
  мақсадга эришишда ўриндош сифатида турли предметлар қўллайди;
  
• 
  турли спектаклларда роль ижро этиб иштирок этади;
  
• 
  оламни ўзгартиришда инсоннинг яратувчи ролини англайди;
  
• 
  буюмларни иккиламчи қўллашда ғоялар таклиф этиши мумкин
  

VIII боб. Кузатиш ва баҳолаш

Кузатиш – болалар ривожланишидаги ижобий ўзгаришларни уларни табиий шароитда (уйда, гуруҳда, очиқ майдончада), кун давомида турли вақтда, бутун йил давомида ҳамда тўпланган маълумотларни ҳужжатлаштириб борган ҳолда баҳолашнинг энг ишончли усули ҳисобланади. Педагогнинг иши айнан педагогик кузатувдан бошланиши зарур, чунки у болани тушунишга, болани тушунишдан эса – у ва оила аъзолари билан ўзаро алоқаларнинг энг мақбул стратегиясини танлаб олиш имкониятини яратади.
Кузатиш – бу боланинг ишлаётган ёки ўйнаётган пайтида, унинг фаолиятига аралашмаган ҳолда уни кузатиш жараёнидир. Педагог болани кузатиш орқали хатти-ҳаракатининг тури, билим олиш бўйича қизиқишлари, кўникмалар даражаси ва ривожланишидаги ижобий ўзгаришларни аниқлайди.
Ҳужжатлаштириш - бола фаоллигини кузатиш натижалини қайд этиш жараёни.
Қайд этиш – кузатилаётган фаоллликни ҳужжатлаштириш жараёни. Аксарият педагоглар бу ишни табиий равишда амалга оширса ҳам, болаларни мунтазам кузатиш тўлиқ маълумот тўплаш имкониятини беради

8.1. Кузатишни ўтказишдан мақсадлар

Ҳар боланинг қизиқишлари, эҳтиёжлари ва кўникмаларини аниқлаш учун. Кузатиш болаларни шахс сифатида билишни, уларда интилувчанлик рағбатлантириш ва билим олишга бўлган эҳтиёжларини тўлиқ қондиришга ёрдам беради.