1. Ilmiy ishlarning turlari: ilmiy-tadqiqiy, ilmiy-ommabop va ilmiy-uslubiy ishlar

Ilmiy-ommabop maqola – ijtimoiy-iqtisodiy, siyosiy masalalarda yoziladigan va ommabop jurnallar, gazetalarda chop etiladigan, dolzarb muammolar ommaga tushunarli tilda bayon etiladigan asar
Konspekt – (lot. conspectus - nuqtai nazar; qarash) kitob, maqola, ma’ruza va h. k. ning qisqa yozib olingan mazmuni, bayoni.
Ma’lumotlar banki – axborot texnologiyalar imkoniyati va vositalari asosida statik va dinamik rejimda tuzilgan katta hajmdagi axborotlar.
Monografiya – hajmi bo‘yicha eng yirik hisoblanadigan ilmiy ish turi bo‘lib, yakka muallif yoki tadqiqotchilar guruhi tomonidan biron-bir muammoni fundamental tarzda tadqiq etilishi jarayonining natijasi bayon etilgan bosma asar.
Mundarija – (arab. - mazmun, maʼno; tarkib) kitob yoki qo‘lyozmaning boshida yoki oxirida uning fasl va bo‘limlarini, odatda betlari bilan ko‘rsatuvchi ro‘yxat.
O‘quv dasturi – muayyan o‘quv fani bo‘yicha DTS hamda tayanch o‘quv rejasi belgilangan o‘quv yuklamasidan kelib chiqib beriladigan ta’lim mazmuni qayd etilgan me’yoriy hujjat.
O‘quv qo‘llanma – darslikni qisman to‘ldiruvchi, muayyan fan dasturi bo‘yicha tuzilgan va fan asoslarining chuqur o‘zlashtirilishini ta’minlovchi, ayrim bob va bo‘limlarni keng tarzda yoritishga yoki amaliy mashq va mashg‘ulotlar o‘tishga mo‘ljallangan bosma adabiyot.
Referat – (lot. referre — bildirmoq, xabar qilmoq) muayyan mavzuga bag‘ishlangan, tegishli badiiy, ilmiy va b. manbalar sharhini qamrab oluvchi ma’ruza.
Referat – har xil nuqtai nazarlarni o‘zaro solishtirish va tahlil qilish ko‘nikmasiga ega bo‘lishni talab etadigan, bir yoki bir qancha manbalarni o‘zida mujassam etadigan g‘oyalar konspektlashtirilgan qisqacha yozma ko‘rinishdagi taqdimot.
Risola – keng ommaga mo‘ljallab nashr etilgan, ilmiy tushunchalar, terminlar kamroq qo‘llanadigan ilmiy ommabop asar.
Sarlavha – tojik tilida “bosh” ma’nosini anglatadigan “sar” oti bilan “taxtacha”, “ko‘rinish” ma’nolarini anglatadigan arabcha “pavha” otidan tuzilgan bo‘lib, asarga, uning qismlariga qo‘yiladigan nom.