1. Ilmiy ishlarning turlari: ilmiy-tadqiqiy, ilmiy-ommabop va ilmiy-uslubiy ishlar

Tayanch o‘quv reja - davlat ta’lim standartining tarkibiy qismi bo‘lib, ta’lim sohalarini mehyorlashga asos bo‘ladigan davlat hujjatidir. Tayanch o‘quv rejasi o‘quv fani bo‘yicha beriladigan ta’lim mazmunini ta’lim oluvchiga yetkazish uchun ajratilgan o‘quv soatlarining eng kam hajmdagi miqdorini ifodalaydi. Unda muayyan ta’lim turi, ta’lim muassasida o‘qitiladigan fanlar bloklari va nomlari, ularga ta’lim bosqichlarida yoki semestrlarda ajratiladigan soatlar, o‘qitilish shakli ko‘rsatib o‘tiladi. Tayanch o‘quv rejasi muayyan o‘quv fani bo‘yicha davlat standartlariga muvofiq beriladigan ta’lim mazmunini aniqlashga asos bo‘ladi.



O‘quv dasturi - muayyan o‘quv fani bo‘yicha davlat standartlariga muvofiq hamda tayanch o‘quv rejasi belgilangan o‘quv yuklamasidan kelib chiqib, shu fan bo‘yicha beriladigan ta’lim mazmuni va shakllari ko‘rsatilgan me’yoriy hujjat bo‘lib, u namunaviy va ishchi o‘quv dasturlari turlariga bo‘linadi.
O‘quv dasturining tarkibiy qismlari

Namunaviy o‘quv dasturi tayanch oliy ta’lim muassasasi tomonida ishlab chiqilib, muayyan fan yo‘nalishi uchun tavsiya qilinadigan me’yoriy hujjat hisoblanadi. Namunaviy dastur asosida har bir oliy ta’lim muassasasi o‘zi uchun o‘quv ishchi dasturini ishlab chiqadi. Oliy ta’lim muassasasi xususiyatidan kelib chiqqan holda namunaviy o‘quv dasturga ayrim o‘zgartirishlar kiritish mumkin bo‘ladi. Fan darsliklari va o‘quv-metodik adabiyotlar o‘quv dasturi mazmunidan kelib chiqib yaratiladi.


O‘quv adabiyotlarining turlari


Darslik - davlat ta’lim standarti, o‘quv dasturi, uslubiyati va didaktik talablari asosida belgilangan, milliy istiqlol g’oyasi singdirilgan, muayyan o‘quv fanining mavzulari to‘liq yoritilgan, tegishli fanning asoslarini mukammal o‘zlashtirilishiga qaratilgan hamda turdosh ta’lim yo‘nalishlarida foydalanish imkoniyatlari hisobga olingan bosma nashrdagi adabiyotdir.
Har bir ta’lim turining maqsad va vazifalarini qamrab olgan, bilim oluvchilarning yoshi va boshqa xususiyatlarini hisobga olgan o‘z darsliklari bo‘ladi. Darslikda nazariy ma’lumotlardan tashqari, amaliy-tajriba va sinov mashklari bo‘yicha zarur ko‘rsatmalar beriladi.