1. Ijtimoiy pedagogika, uning predmeti va vazifalari. Ijtimoiy pedagogikaning fan sifatida rivojlanishi

Ta’lim sohasida davlat siyosati - bu tarbiya vazifalarini va ularni yechish strategiyasini belgilash, qonunlarni ishlab chiqish va zaruriy resurslarni ajratish. Ushbu omillar jamiyat talablariga muvofiq yosh avlodni kamol toptirish uchun zaruriy sharoit yaratish imkoniyatini beradi. Davlat o‘z tarbiya tizimi orqali fuqarolarning ijtimoiylashuvini amalga oshiradi. Davlat tarbiya tizimi - bu faoliyati uning tarbiya siyosatini amalga oshirishga qaratilgan davlat tashkilotlaridir.
Davlat tarbiya tizimi bir necha elementlarni o‘z ichiga oladi:
1. Tizim asosini belgilovchi tegishli qonun hujjatlari.
2. Turli tarbiya tashkilotlari, chunonchi:
a) turli xil o‘quv-tarbiya muassasalari;
b) sog‘lig‘i zaif bolalar uchun muassasalar;
v) turli faoliyat sohalaridagi iqtidorli bolalar uchun muassasalar;
g) turli xil ijtimoiy nuqsonlari bo‘lgan bolalar va o‘smirlar uchun muassasalar;
d) qayta tarbiyalash va reabilitatsiya qilish bilan shug‘ullanuvchi tashkilotlar.
3. Davlat tarbiya tizimining faoliyati uchun ajratadigan muayyan mablag‘lar.
4. Murabbiylar - turli soha mutaxassislari (o‘qituvchilar, tarbiyachilar, trenerlar, ijtimoiy xodimlar va h.k.).
5. Tashkilotchilar, tarbiyachilar va tarbiyalanuvchilarga nisbatan qo‘llaniladigan muayyan sanksiyalar to‘plami. Ular salbiy va ijobiy bo‘ladi.
6. Turli darajadagi tarbiyani boshqarish organlari. Ular davlat tarbiya tizimi faoliyat ko‘rsatishi va rivojlanishini ta’minlaydi.


3.Ijtimoiylashuvning mezoomillari.
Har bir davlat, yoki millat borki o’ziga xos tarizda milliy va mintaqqaviy xususiyatlariga ega bo’libgan holda shakllanadi, rivojlanadi hamda yashash, ijtimoiylashish uslublarini o’zida mujassamlashtiradi.
Mintaqa - insonning ijtimoiylashuvi, turmush tarzi, tabiiy va madaniy boyliklarning shakllanishi, asralishi va rivojlanishi yuz beruvchi makon. Ijtimoiylashuv jarayoniga mintaqaviy sharoitlarning ta’siri har xil bo‘ladi va bir qancha o‘ziga xos xususiyatlar bilan belgilanadi. Mintaqaning geografik o‘rni va tabiiy-iqlim xususiyatlari uning iqtisodiyotini, aholi sonini ko‘p jihatdan belgilaydi. Mintaqaning ijtimoiy-iqtisodiy xususiyatlari - bu uning hududidagi ishlab chiqarishning xususiyati, rivojlanish imkoniyatlari, aholi turmush darajasi, boshqa mintaqalar bilan iqtisodiy aloqalar.