1. Geometrik grafika fani noyob adabiyotlaridan Evklidning «Negizlar», G. Monjning «Chizma geometriya» va sobiq ittifoq davrining dastlabki yillarida nashr etilgan o‘quv adabiyotlarining mazmuni bilan tanishtirib

Mashhur rus pedagogi, professor N.I. Makarov (1824-1904)ning 1870 yilda chop etgan «CHizma geometriyaning to‘liq kursi» fanning nazariyasi va ularning amaliyoti qo‘llanishi bayon etilgan. Bu kitob bir necha marta chop etilgan va chizma geometriyaning barcha boblarini o‘z ichiga olib, texnika oliy-o‘quv yurtlari uchun asosiy darslik hisoblangan. N.I.Makarovning «CHiziqli perspektiva kursi», «Soyalar nazariyasi», «CHiziqli palafon perspektiva», «Izometrik proeksiyalar usullari» kitoblari ham chop etilgan.
Akademik Fedorov E.S. (1853-1919) chizma geometriya fanini rivojlantirishda mashhur rus olimi bo‘lib, ko‘pgina ilmiy tekshirish ishlari tasvirlash usullariga bag‘ishlangan. U o‘zining ilmiy ishlari bo‘yicha Rossiya va chet ellarda taniqli olim hisoblanadi. E.S.Fedorov vektorli chizma geometriya yaratib, bu yo‘nalish hozirgi vaqtda ham ilmiy tekshirish ishlarida keng qo‘llanib kelinmoqda. «Vektorli proeksiyalar» Fedorov proeksiyasi deb ham yuritiladi. CHunki bu metodni u nazariy kristallogiyada keng qo‘llagan.
P rofessor, texnika fanlari doktori N.A.Rыnin (1877-1943) tasvirlash usullari sohasida ko‘pgina asarlar yozgan olim hisoblanadi. Uning «CHizma geometriya», «Son belgili proeksiyalar», «Perspektiva», «CHiziqli perspektiva elementlari» kitoblari chizma geometriya fanini rivojlantirishda katta ahamiyatga ega bo‘ldi. N.A.Rыnin rus olimlaridan birinchi bo‘lib chizma geometriyani proektiv geometriya bilan bog‘lab o‘qitish va «CHizma geometriyaning ahamiyati va uning metodlarini taqqoslash», «Tasvirlash metodlari», «Tekis figuralar transformatsiyasi» kabi ko‘p ilmiy asarlar yozib qoldirgan.
P rofessor D.I.Kargin (1880-1945) o‘zining ko‘p sonli ilmiy tekshirish ishlari bilan chizma geometriya va injenerlik grafikasi faniga katta xissa qo‘shgan olim. U grafik hisoblashlar va yasashlarni aniq bajarish bo‘yicha ilmiy ishlar olib borgan. SHrift grafikasi bo‘yicha buyuk mutaxassis bo‘lgan. D.I.Kargin grafika fani bo‘yicha birinchi fan doktori hisoblanadi. U 1947 yilda G.Monjning «CHizma geometriya» kitobini rus tilidagi tarjimasining ilova qismida chizma geometriya tarixi maqolasini yozgan. Professor D.I.Kargin bir necha yillar davomida Leningrad ilmiy seminariga rahbarlik qilgan.