1. Фарғона вилояти Транспорт бошқармаси фаолияти, ташкилий тузилмаси, мақсад, вазифалари ва функциялари

Ўзбекистон Республикаси Вазирлар Маҳкамасининг 30.07.2019 йилдаги “Автомобиль транспортида йўловчиларни ва юкларни шаҳарда, шаҳар атрофида, шаҳарлараро ва халқаро йўналишлар бўйича ташиш фаолиятини лицензиялаш юзасидан давлат хизматлари кўрсатишнинг маъмурий регламентини тасдиқлаш”ги №636-сонли қарори ижроси бўйича;
2020 йил 1 январдан бошлаб ушбу қарор билан тасдиқланган маъмурий регламентга мувофиқ юридик шахслар ва якка тартибдаги тадбиркорлар лицензия ва лицензия варақаларини олиш учун давлат хизматлари хизматлари марказлари (ДХМ) ёки Ўзбекистон Республикаси Ягона интерактив давлат хизматлари портали (кейинги ўринларда ЯИДХП деб аталади) орқали мурожаат қилиш йўлга қўйилди.
Хозирги кунда барча лицензия талабгорлари лицензияларни онлайн режимда олишмоқда.
Ўзбекистон Республикаси Президентининг 24.08.2020 йилдаги “Лицензиялаш ва рўхсат бериш тартиб-таомилларини тубдан такомиллаштириш чора-тадбирлари тўғрисида”ги №6044-сонли фармони ижроси бўйича.
2021 йил 1 январдан бошлаб автомобиль транспортида юкларни шаҳарда, шаҳар атрофида ва шаҳарлараро ташиш фаолиятига лицензия варақалари бериш бекор қилинди.
Эндиликда юк ташиш фаолияти билан шуғулланувчи жисмоний ва юридик шахсларга фақатгина ҳалқоро йўналишларда лицензия варақалари берилмоқда.
2021 йил 1 январдан бошлаб йўловчиларни шаҳарда, шаҳар атрофида, шаҳарлараро автобусларда ташиш ҳамда йўловчиларни шаҳарда, шаҳар атрофида, шаҳарлараро микроавтобусларда ташиш фаолиятлари Йўловчиларни шаҳар, шаҳар атрофида ва шаҳарлараро микроавтобус ҳамда автобусларда ташиш фаолияти билан бирлаштирилди.
2021 йил 1 январгача шаҳарда ташиш, шаҳар атрофида ташиш ва шаҳарлараро ташишлар учун алоҳида лицензиялар берилган.
Ўзбекистон Республикаси Президенти Ш.М.Мирзиёев раҳбарлигида 2020 йил 30 ноябрь куни “Тошкент шаҳри ва ҳудудларда
жамоат транспортини янада ривожлантириш чора-тадбирлари тўғрисида” кенгайтирилган тарзда ўтказилган видеоселектор йиғилиши №96-баёни ижроси бўйича.
Худудларни жойига чиққан ҳолда муҳокама қилиб, белгиланган вазифалар ижросининг натижадорлигини таъминлаш, шаҳар ҳамда белгилаб олинган туманларига Транспорт бошқармаси ходимлари бириктирилиб, уларнинг асосий иш фаолияти бевосита жойларда ташкил қилинмоқда.
Ҳудудларнинг вилоят, шаҳар, туман кесимидаги жамоат транспортига оид паспорт маълумотлари шакллантирилди;
Ҳудудларда барча йўловчи ташиш йўналишлари хатловдан ўтказилиб, вилоят бўйича жами 116 та йўналишлар мавжуд булиб шундан (маълумот учун: ушбу йўналишларнинг 64 тасида автобуслар, 7 тасида микроавтобуслар ҳамда 45 тасида “Дамас” русумли автомобиллар) фаолият кўрсатаётган бўлиб, шундан 27 та йўналишлар турли хил сабабларга кўра амалда қатновлар тўхтаб қолганликлари аниқланди. Бундан ташқари, ўрганишлар натижасида 2021 йилда вилоят бўйича жами 11 та янги йўналишлар ташкил этиш белгилаб олинди.

Ҳалқаро юк ташувларида юк автомобильини бошқараётган ҳайдовчида қуйидаги ҳужжатлар бўлиши керак: