1. Фанга доир умумий тушунчалар, фаннинг мақсади ва вазифалари; Метрологиянинг ривожланиш тарихи, мақсад ва вазифалари; Асосий атама ва таърифлар

НАЗОРАТ УЧУН САВОЛЛАРИ:
1. Қандай тоифадаги мутахассислар стандартлаштириш бўйича экспертлар деб юритилади?
2. Қайси ҳужжатда стандартлаштириш бўйича экспертларнинг малакаси ва аттестацияланишига қўйиладиган умумий талаблари, аттестациялашнинг малакавий мезонлари ва процедураси белгиланган?
3. Компетентлилик нимани англатади?
4. Ким эксперт ҳисобланади?
5. Экспертларнинг асосий функцияларига нималар киради?
6. Экспертликка номзодлар маълумоти ва тажрибаси бўйича нималарга эга бўлиши лозим?


СТАНДАРТЛАШТИРИШНИНГ ТУРЛИ ДАРАЖАДАГИ ОБЪЕКТЛАРИ


РЕЖА:
1. Стандартлаштиришнинг турли даражадаги объектлари;
2. Стандартлаштириш объектлари;
3. Стандартлаштириш бўйича давлат назорат органлари ва объектлари.


1. Стандартлаштиришнинг турли даражадаги объектлари
Стандартлаштирилаётган маҳсулотларнинг қайси даражада кўрилаётганлигига кўра тегишли талаблар белгиланади.
Стандартлаштириш объекти (О‘z DSt 1.10:1998) — стандартлаштириши зарур бўлган объект, географик, сиёсий ёки иқдисодий томонлари ҳисобга олиб, стандартлашти­риш фаолиятига қатнашиш тури стандартлаштириш даражасидир.
Халқаро стандартлаштиришда барча мамлакатларнинг те­гишли (ваколатли, аксарият ҳолларда миллий даражада) идоралари эркин ҳолда иштирок этиши мумкин бўлган стандартлаштириш ишлари олиб борилади. Халқаро стандарт­лаштириш тегишли соҳаларда масъул бўлган халқаро ташкилотлар томонидан олиб борилади (масалан, ИСО, МЭК ва бошқалар).
Минтакавий стандартлаштиришда дунёнинг фақат биргина жуғрофий, сиёсий ва иқтисодий минтақасига қарашли мамлакатларнинг тегишли идоралари эркин ҳолда иштирок этишлари мумкин бўлган стандартлаштириш ишлари олиб борилади (СЕН, МГС ва бошқалар).
Давлатлараро стандартлаштириш давлатлараро манфаатга эга бўлган объектларни стандартлаштириш мақсадида олиб борилиб, унинг қонун-қоидаларини тан олган ва шу даражадаги келишувга қўшилган давлатлар учун очиқдир. МДҲ доирасида «Стандартлаштириш, метрология ва сертификатлаштириш соҳасида келишилган сиёсатни олиб бориш тўғрисида келишув» ташкилотга аъзо давлатлар ўртасида 1992 йилда имзоланган бўлиб, у ИСО томонидан «ЕвроОсиё регионал стандартлаштириш ташкилоти» сифатида тан олинган. Давлатлараро стандартлаштириш объектлари ГОСТ билан белгиланади.