1-dars. Mavzu: O'zbekistonda davlat tili va boshqa tillarning rivoji

Kelgusi rejalar:

O'qituvchi: Pedagogik texnologiyalarni o'zlashtirish va darsda tatbiq etish, takomillashtirish, o'z ustida ishlash. Pedagogik mahoratni oshirish. O'quvchi: Mustaqil ishlashni o'rganadi. O'z fikrini ravon bayon qila oladi. O'rganilgan mavzu asosida qo'shimcha materiallar izlaydi, ularni o'rganadi. Do'stona muhitda, hamkorlikda ishlash ko'nikmasi shakllanadi.

Darsning borishi: Tashkiliy qism amalga oshirilgach, sinf o'quvchilari 2 guruhga ajratiladi. O'tilgan mavzu «Ko'makchi fe'llar» bo'yicha o'zlashtirilgan bilimlarni tekshirish maqsadida guruh a'zolariga faqat yetakchi fe'llar yozilgan varaq beriladi. O'quvchilar ushbu yetakchi fe'l bilan qo'llanuvchi ko'makchi fe'llarni yozishlari kerak bo'ladi.

Yetakchi fe'l	Ko'makchi fe'llar
o'qimoq
yozmoq
chizmoq

N a m u n a:

Yetakchi fe'l	Ko'makchi fe'l
o'qimoq	(o'qiy) boshlamoq, (o'qiy) olmoq, (o'qib) chiqmoq, (o'qib) tugatmoq
yozmoq	(yoza) ketdi, (yozib) bo Idi, (yozib) yubordi
chizmoq	(chiza) oladi, (chizib) bo 'Idi, (chizib) turdi, (chiza) boshladi

Topshiriq bajarilgach, quyidagi mazmunda savollar beriladi:

Ko'makchi fe'llar deb nimaga aytiladi?

Qanday fe'llar yetakchi fe'l sanaladi?

Ko'makchi fe'l qanday shakldagi yetakchi fe'llarga qo'shiladi?

Yetakchi fe'l bilan ko'makchi fe'l bitta so'roqqa javob bo'ladimi yoki alohida-alohida so'roqqa javob bo'ladimi? Misollar yordamida tushuntiring.