№1 Chust tuman yo’l qurilish bo’limiga

XALQ DEPUTATLARI CHUST TUMAN KENGASHI DEPUTATI AXATJONOV SUNNATILLA SOBIRJON O’G’LIDAN Quyi Karnon MFY Mustaqillik ko’cha 16-uy, tel: [phone]
___________________________________________________________№ 4 Chust tuman Qurilish bo’limiga 18. 03. 2020
DEPUTATLIK SO’ROVI

“Xalq deputatlari viloyat, tuman va shahar Kengashi deputatining maqomi to’g’risida”gi O’zbekiston Respublikasi qonuni 8-moddasiga muvofiq sizdan ushbu masalada axborot berishingizni so’rayman:

Muhtaram Prezidentimiz SHavkat Miromonovich har bir yig’ilish va uchrashuvlarda bizning eng asosiy vazifamiz aholining davlatdan roziligiga erishish ekanligini takrorlab kelmoqdalar. Quyi Karnon va Yuqori Karnon MFYlarida yashovchi bir guruh aholi tomonidan tadbirkorlik faoliyati bilan shug’ullanish maqsadida yer olishda qiyinchiliklarga duch kelayotgani, ammo hududda bo’sh turgan joylar, noqonuniy egallab olingan yerlar mavjudligi haqida ma’lumotlar yozilgan va hunarmandchilik tashkil etish uchun yer olishda amaliy yordam so’ralgan xat kelib tushdi. Xususan, xatda fuqaro Turdaliyeva Rohila tomonidan MFY binosi joylashgan hududda noqonuniy ravishda yer maydoni egallab olingani va MFY binosi ro’parasida ishlamay turgan Veterenariya punkti haqida yozilgan. Yuqorida yozilgan joylar va Quyi Karnon MFY hududida joylashgan stadion ichidagi (yuqori qismida) biz tomonimizdan noqonuniy deb hisoblangan qurilmaning hujjatlarini qonuniy ekanligi, agarda mulk egasi, joy hamda qurilmalarning hujjati mavjud bo’lsa, nusxasi bilan asosli ma’lumotlar taqdim etishingizni so’rayman.
Ushbu so’rovga jiddiy e’tibor qaratib, javobini deputat so’rovini olgan kuningizdan boshlab 10 kun muddatda taqdim etishingizni so’raymiz! Aks holda sizning beparvoligingiz O’zbekiston Respublikasi “Ma’muriy javobgarlik to’g’risida”gi Kodeksining 193 – moddasiga ko’ra javobgarlikka tortilishingizga asos bo’ladi.