№1 Chust tuman yo’l qurilish bo’limiga

DEPUTATLIK SO’ROVI
“Xalq deputatlari viloyat, tuman va shahar Kengashi deputatining maqomi to’g’risida”gi O’zbekiston Respublikasi qonunining 8-moddasiga muvofiq sizdan ushbu masalada o’z fikringizni bayon qilishingizni so’rayman:
Quyi Karnon MFY hududida tuman hokimining 05.09.2007 sanadagi 347-sonli hamda 27.12.2008 sanadagi 2019-sonli qarorlari asosida hashar yo’li bilan fudbol stadioni tashkil etilgan bo’lib, hozirda ushbu stadion hududiga jamiyat va davlat rivoji yo’lida aholi talabi bilan zamonaviy sport majmuasi qurilishi rejalashtirilmoqda. Ammo quyidagi masalalarda muammoli vaziyat yuzaga kelgan:

1.Stadionning yuqori qismida tashlandiq holdagi eski, noqonuniy qurilma mavjud bo’lib, ushbu noqonuniy qurilmaga Quyi Karnon MFYda yashovchi fuqarolar Karimova Rajabbi va o’g’li Mahmudov Elyor da’vo qilib yana noqonuniy tarzda qurilish qilishmoqda.

Ushbuga doir qo’limizdagi mavjud hujjat ilova qilinmoqda (2 varoqda)
Uni buzib tashlash bo’yicha qanday chora ko’rish haqidagi fikringizni bayon qilishingizni;

2. Ushbu stadionning yuqori qismida tuman hokimining 14.07.2008 sanasidagi 180-sonli qarori asosida fuqaro Xo’jamberdiyev Rahmonberdiga savdo va maishiy xizmat ko’rsatish shahobchasini qurish uchun 67 m2 o’lchamda yer maydoni ajratilgan bo’lib, hozirda boshqa bir fuqaro Ohunjonov Nodirjon yuqoridagi qaror asosida qurilish qilish niyatida.

Tuman hokimining 14.07.2008 sanasidagi 180-sonli qarori ilova qilinmoqda. (2 varoqda)
Sizdan ushbu holat yuzasidan qarorning qonuniy tusda ekanligini tekshirib berishingizni, agarda qonuniy tusda bo’lsa atroflicha asoslashingizni, agarda noqonuniy tusda bo’lsa, tuman hokimligiga qaror yuzasidan protest kiritishingizni so’rayman.
Ushbu so’rovga jiddiy e’tibor qaratib, javobini deputat so’rovini olgan kuningizdan boshlab 10 kun muddatda taqdim etishingizni so’raymiz!


Xalq deputatlari Chust tuman Kengashi deputati S. Axatjonov


17. 02.2021.




XALQ DEPUTATLARI CHUST TUMAN KENGASHI DEPUTATI AXATJONOV SUNNATILLA SOBIRJON O’G’LI Quyi Karnon MFY Mustaqillik ko’cha 16-uy, tel: [phone] __________________________________________________________________
23. 02. 2021 Jinoyat ishlari bo’yicha Chust tuman sudi raisi S.Badriddinovga

Fuqaro G’aniyev Akmalning menga nisbatan qilgan xatti-harakatidan norozi bo’lib, chora ko’rishni so’rab yozgan arizamni sud jarayonida mening ishtirokimsiz ko’rishingizni so’rayman. Ushbuga sabab sifatida hozirda mening xalq deputatlari Chust tuman Kengashi doimiy Kotibiyat mudiri sifatida faoliyat olib borayotganligim hamda ish hajmimiz ko’pligini keltirib o’tmoqchiman. Zero, odil sud buni to’g’ri qabul qiladi degan umiddaman.

Hozirda fuqaro G’aniyev Akmalga nisbatan menda etiroz yo’q.