1. Bozor iqtisodiyoti tizimini mohiyatini yoritib bering? Javob

186; Biznes-rejada servis doirasida qanday xizmatlar bajarilishi to‘g‘risidagi axborot beriladi
Javob; Servis xizmatini tashkil etish strategiyasi sotishdan oldingi va sotishdan keyingi servis xizmatini ko‘zda tutadi.
Sotish oldi servisi taklif etilayotgan mahsulotning sifat ko‘rsatkichlarini takomillashtirish maqsadida iste’molchilar talablarini doimiy o‘rganish va tahlil qilishga yo‘naltirilgan.
Sotishdan keyingi servis kafolat muddati davomida va undan keyingi ko‘rsatiladigan xizmatlar majmuni (sozlash, ta’mirlash) ko‘zda tutadi.
Biznes-rejada servis doirasida qanday xizmatlar bajarilishi to‘g‘risidagi axborot beriladi. Ularga quyidagilar kiradi:

• 
  mahsulotni bepul etkazib berish;
  
• 
  transportirovka (tashish) natijasida yuzaga kelgan nosozliklarni yo‘qotish;
  
• 
  mahsulotni o‘rnatib berish va ishga tushirib berish;
  
• 
  bepul kafolatli ta’mirlash muddatlari;
  
• 
  kafolat muddatlaridan so‘ng pulli ta’mirlashni amalga oshirish;
  
• 
  zarur hollarda xaridorning xodimlarini mahsulotdan foydanish bo‘yicha dastlabki o‘qitishni tashkil etish;
  
• 
  ehtiyot qismlar bilan ta’minlash;
  
• 
  texnik maslahatlar berish;
  

Bundan tashqari xizmatlarni amalga oshirish shaklini ham ko‘rsatish zarur:

• 
  ishlab chiqaruvchi tomonidan;
  
• 
  mahsulot sotuvchisi tomonidan;
  
• 
  ishlab chiqaruvchi bilan shartnoma asosida iqtisoslashgan tashkilot tomonidan xizmat ko‘rsatish.
  

187. Bozorni va sotuvni tadqiq qilish
Javob; Bozorni va sotuvni tadqiq qilish. U korxonaning kelgusi faoliyatini belgilash uchun bozor sharoitlari to‘g‘risida ma’lumotlar olish maqsadida amalga oshiriladi. Bozorni va sotuvni tadqiq qilishning asosiy yo‘nalishlari quyidagilarni qamrab oladi:

1. 
   bozor sig‘imini baholash;
   
2. 
   bozorni segmentlash;
   
3. 
   bozor o‘zgarishlari va rivojlanish tendensiyalari tahlili, xususan, iqtisodiy, fan-texnika, demografik, ekologik, qonunchilik va boshqa omillarni tahlil qilish;
   
4. 
   bozor tuzilmasini o‘rganish;
   
5. 
   sotuv hajmini bashorat qilish.
   

Bozor sig‘imini aniqlash bozor tadqiqotlarining asosiy vazifasi hisoblanadi. Tovar bozori sig‘imi deganda belgilangan darajada va baholarda tovarni sotish imkoniyatlari tushuniladi. U iste’molchilar talabi va tovar taklifi miqdori bilan tavsiflanadi. Bozor sig‘imi tadqiqotlari kutilayotgan sotuv hajmini bashorat qilishga imkon beradi.