1-боб. Умумий қоидалар 1-модда. Ушбу Қонуннинг мақсади ва асосий вазифалари

56-модда. Маъмурий ҳужжатни тушунтириб бериш ва уни тузатиш 
Маъмурий орган манфаатдор шахснинг илтимосномасига кўра маъмурий 
ҳужжатнинг мазмунини ўзгартирмаган ҳолда уни тушунтириб бериши, шунингдек ѐзувдаги 
йўл қўйилган хатоларни ва янглишишларни маъмурий ҳужжатнинг моҳиятига дахл қилмаган 
ҳолда, ўз ташаббусига ѐки манфаатдор шахснинг илтимосномасига кўра тузатиши шарт. 
Ушбу модданинг 
биринчи қисмида 
назарда тутилган ҳаракатларни амалга 
оширганлик учун давлат божлари ва бошқа мажбурий тўловлар ундирилмайди. 
57-модда. Тегишли ҳужжатни ва унинг дубликатини бериш 
Олдинги
 таҳрирга қаранг. 
Тегишли ҳужжатни берганлик учун қонунчиликда белгиланган ҳолларда йиғим 
олиниши мумкин. 
Маъмурий ҳужжат асосида берилган ҳужжатларни тўхтатиб туриш, қайта тиклаш ва 
қайта расмийлаштириш тартиби қонунчиликда тартибга солинади. 
Берилган ҳужжат йўқолган ѐки яроқсиз бўлиб қолган тақдирда, манфаатдор 
шахснинг аризасига кўра янги ҳужжат ѐки унинг дубликати қонунчиликда белгиланган 
тартибда берилади. 
Маъмурий орган ҳужжатни ѐки унинг дубликатини бериш тўғрисидаги ариза қабул 
қилинган кундан эътиборан беш иш кунидан кўп бўлмаган муддатда янги ҳужжатни ѐки 
ҳужжат дубликатини бериши (юбориши) шарт, бундан қонунчиликда назарда тутилган 
ҳоллар мустасно. Бунда ҳужжатнинг дубликатини берганлик учун йиғим маъмурий орган 
томонидан аризани одатдаги тартибда кўриб чиқиш учун тўланадиган, дубликат бериш 
тўғрисида ариза берилган санада амалда бўлган сумма миқдорининг ярмидан ошмаслиги 
керак. 
(57-модданинг биринчи — тўртинчи қисмлари Ўзбекистон Республикасининг 2021 йил 21 
апрелдаги ЎРҚ-683-сонли 
Қонуни 
таҳририда — Қонунчилик маълумотлари миллий базаси, 21.04.2021 
й., 03/21/683/0375-сон)
Янги ҳужжат ѐки дубликат бериш учун йиғим миқдори ушбу ҳаракатни амалга 
ошириш учун кетган харажатлардан ошиб кетмаслиги керак.