1-боб. Умумий қоидалар 1-модда. Ушбу Қонуннинг мақсади ва асосий вазифалари

54-модда. Маъмурий ҳужжатнинг асослилиги 
Маъмурий ҳужжатнинг асослантирувчи қисмида қабул қилинган маъмурий 
ҳужжатнинг барча ҳақиқий ва юридик асослари келтирилиши керак. 
Маъмурий ҳужжатни асослантириш чоғида маъмурий орган текширилмаган ѐки 
маъмурий иш юритиш жараѐнида маъмурий ишга қўшиб қўйилмаган ѐхуд маъмурий иш 
юритиш иштирокчиларига танишиш имконияти берилмаган далилларга таянишга ҳақли 
эмас. Агар маъмурий ҳужжатни қабул қилишда маъмурий органга маъмурий ихтиѐрийлик 
(дискрецион ваколат) берилган бўлса, маъмурий ҳужжатнинг асослантирувчи қисмида у ѐки 
бу маъмурий ихтиѐрийликка (дискрецион ваколатга) ѐхуд ундан воз кечишга сабаб бўлган 
барча баҳолар, важлар ва мулоҳазалар баѐн этилади. Бунда маъмурий орган ўзи қабул қилган 
маъмурий ҳужжатнинг маъмурий тартиб-таомиллар принципларига мувофиқлигини асослаб 
бериши керак. 
55-модда. Маъмурий ҳужжатнинг кучга кириши 

---

Маъмурий ҳужжат адресат тегишли тарзда хабардор қилинган пайтдан эътиборан 
кучга киради. 
Адресатни маъмурий ҳужжат тўғрисида тегишли тарзда хабардор қилиш ушбу 
Қонуннинг 
33-моддасида 
назарда тутилган тартибда амалга оширилади. 
Олдинги
 таҳрирга қаранг. 
Қонунчиликда назарда тутилган ҳолларда маъмурий ҳужжатнинг манфаатдор 
шахсларга расмий эълон қилиниши ҳам тегишли тарзда хабардор қилиш деб топилади. 
Қонунчиликка мувофиқ адресатга фақат тегишли ҳужжат берилиши керак бўлган 
ҳолларда ҳужжатнинг адресатга берилиши маъмурий ҳужжат тўғрисида тегишли тарзда 
хабардор қилишга тенглаштирилади. 
Агар маъмурий ҳужжат қонунчилик талабига мувофиқ расмий эълон қилиниши 
лозим бўлса, у расмий эълон қилинган кундан эътиборан кучга киради. 
(55-модданинг учинчи, тўртинчи ва бешинчи қисмлари Ўзбекистон Республикасининг 2021 
йил 21 апрелдаги ЎРҚ-683-сонли 
Қонуни 
таҳририда — Қонунчилик маълумотлари миллий базаси, 
21.04.2021 й., 03/21/683/0375-сон)