1-боб. Бухгалтерия ҳисобининг концепциялари ва тамойиллари

Ушбу бобни ўрганиб чиққач,Сиз қуйидагиларни билишингиз лозим:
Даромадлар ва харажатлар концепцияси ва моҳияти.
Даромадлар ва харажатларни тан олиш жараёни, мезонлари ва тамойилларини
Даромадни етказиб бериш пайтида (сотиш пайтида) тан олиш
Даромадни етказиб беришдан кейин тан олиш
Даромадни етказиб берилмасдан олдин тан олиш
Харажатларни тан олиш
Фойда ва зарарларни тан олиш пайтини
1.Даромадлар ва харажатлар концепцияси ва моҳияти.
Даромадлар деб молиявий хисоьотларни тайёрлаш ва тақдим этишнинг концептуал асаси доирасида ҳисобот даврида сармоя эгалари томонидан сарфланган маблағ Билан боғлиқ кўпайишдан активларнинг кўпайиши ёки мажбуриятларнинг камайиши кўринишида иқтисодий нафнинг ортишига айтилади.
Хўжалик фаолиятидан тушадиган даромад асосий, операцион ва молиявий фаолиятидан олинадиган олинадиган даромадлардан иборат.
Даромад деганда,хўжалик юритувчи субъктнинг оддий фаолияти даомида олинадиган даромадлар, шу жумладан маҳсулотни сотиш (ишларни бажариш ва хизматлар кўрсатиш) дан олинган даромадлар, олинган фоизлар, дивидендлар, роялтилар ва бошқалар тушунилади.
Харажатлар- бу молетказиб берилиши ёки товарлар ишлаб чиқарилиши, хизматлар кўрсатилиши ёки фаолиятнинг бошқа турларини амалга ошириш натижасида келиб чиқадиган активларнинг камайиши ёки бошқача сарфланиши, ёҳуд мажбуриятлар келиб чиқиши ёки уларнинг аралашмасидир. Бошқача айтганда, харажатлар-бу даромадлар олиш давомида товарлар ишлабчиқариш ва хизматлар кўрсатишга қилиган сарфлардир.
Фойда-бу корхонага тегишли асосий ёки асосий бўлмаган фаолияти ва муомалалар натижасида, шунингдек акционерлик капиталига қўйилмалардан ташқари, корхонага таъсир ҳиладиган ҳамма бошқа битимлар, муомалалар ва холатлар натижасида капиталнинг кўпайишидир.
Зарарлар-бу корхонага тегишли битимлар ва муомалалар таъсирида, шунингдек акционерлик капиталининг тақсимланиши ёки сарфланишидан ташқари, бошқа ҳама битимлар, муомалалар ва холатлар таъсирида капиталанинг камайишидир.