1-bap. “Esap siyasatları, buxgalteriya esap-kitapları bahalawlarındaǵı ózgerisler hám qáteler” standartınıń maqseti hám wazıypaları

MAZMUNÍ
Kirisiw................................................................................................................2
1-BAP. “Esap siyasatları, buxgalteriya esap-kitapları bahalawlarındaǵı ózgerisler hám qáteler” standartınıń maqseti hám wazıypaları...................5
2-BAP. “Esap siyasatları, buxgalteriya esap-kitapları bahalawlarındaǵı ózgerisler hám qáteler” standartınıń mazmunı hám qollanıwı...................10
Paydalanılǵan ádebiyatlar..............................................................................15



Kirisiw
Ekonomikanı modernizaciyalaw shárayatında xalıqaralıq esap sisteması rawajlanıp ósiwinde buxgalteriya esabınıń xalıqaralıq standartları (BEXS) áhmiyetli orın tutadı. BEXSlar mámleketler ortasındaǵı sheriklikti, atap aytqanda ekonomikalıq munasábetlerdi rawajlandırıw hám mámleketlerde investitsion ortalıqtı jaqsılawda áhmiyetli qural retinde xizmet etip atır. Sol sebepli de kún sayın xalıqaralıq standartlardı tán alıwshı mámleketler sanı asıp baratır. Ózbekstan Respublikası da BEXSǵa ótiwdiń ayrıqsha jolın tańladı.
Ózbekstan Respublikası Prezidentiniń 2015-jıl 24-apreldegi PQ-4720 -sanlı “Akcionerlik jámiyetlerinde zamanagóy korporativ basqarıw usılların engiziw ilájları haqqında”ǵı qararına tiykar, 2015-2018-jıllarda barlıq akcionerlik jámiyetleri jıllıq finanslıq esabattı usınıwı hám Xalıqaralıq audit standartları hám de Xalıqaralıq finanslıq esabat standartlarına muwapıq sırtqı audittı ótkeriwi hám akcionerlik jámiyetler iskerliginiń natiyjeliligin asırıw hám korporativ basqarıw sistemasın jetilistiriw komissiyası 2015-jıldıń 1-iyulına shekem akcionerlik jámiyetleriniń jıllıq finanslıq esabatın xalıqaralıq standartlarǵa muwapıq tastıyıqlanıw kerekligi belgilengen. Bunnan keyin, Ózbekstan Respublikası Prezidentiniń 2015-jıl 21-dekabrdegi PQ-2454-sanlı “Akcionerlik jámiyetlerine shet el investitsiyalardı tartıw boyınsha qosımsha shara-ilájlar haqqında”ǵı qararına tiykar, akcionerlik jámiyetleriniń ustav kapitalına 15 procentten kem bolmaǵan muǵdarda shet el investorlarınıń úlesin tartıw kerekligi belgilengen.
Joqarıdaǵılardan kelip shıqqan halda, akcionerlik jámiyetlerinde finanslıq esabattı dúziw hám usınıw finanslıq esabattıń xalıqaralıq standartları tiykarında dúziliwine tuwrı keldi. Sebebi, odan shet el investorlar akcionerlik jámiyetleriniń finanslıq esabatların tuwrıdan-tuwrı túsiniwine hám isenim payda etiw kerekligine erisedi.
Finanslıq esabattıń xalıqaralıq standartları (FEXSlar) - bul Finanslıq esabattıń xalıqaralıq standartları boyınsha Keńesi (FEXSK) tárepinen
shıǵarılǵan standartlar hám túsindiriwler bolıp tabıladı. Olar tómendegilerdi óz ishine aladı:
(a) Buxgalteriya esabınıń xalıqaralıq standartları;
(b) Finanslıq esabattıń xalıq aralıq standartları;