1-bap. “Esap siyasatları, buxgalteriya esap-kitapları bahalawlarındaǵı ózgerisler hám qáteler” standartınıń maqseti hám wazıypaları

Tómendegiler esap siyasatındaǵı ózgeris bolıp esaplanbaydı:
(a) aldın júz bergen operatsiyalar, basqa hádiyseler yamasa shárayatlardan mánisi boyınsha parıqlanatuǵın operatsiyalar, basqa hádiyseler yamasa shárayatlarǵa qarata qanday da esap siyasatın qollaw;
(b) aldın júz bermegen yamasa áhmiyetsiz dárejedegi bolǵan operatsiyalar, basqa hádiyseler yamasa shárayatlarǵa qarata jańa esap siyasatın qollaw.
FEXS 16 “Tiykarǵı qurallar” yamasa FEXS 38 “Materiallıq emes aktivler”ge muwapıq aktivlerdi qayta bahalaw siyasatın birinshi ret qollaw - usı standartqa muwapıq emes, bálki FEXS 16 yamasa FEXS 38 ge muwapıq qayta bahalaw retinde qaralatuǵın esap siyasatındaǵı ózgeris bolıp esaplanadı.
Ayırım jaǵdayların esapqa alǵan halda:
(a) xojalıq subyekti qanday da FEXSdı birinshi ret qollawı nátiyjesinde júzege keletuǵın esap siyasatındaǵı ózgerislerdi bul FEXSda belgilengen, eger belgilengen bolsa, arnawlı ótiw qaǵıydalarına muwapıq esapqa alıwı kerek;
(b) eger qanday da FEXSda islenip atırǵan ózgeriske tiyisli bolǵan arnawlı ótiw qaǵıydaları belgilenbegen bolıp, xojalıq subyekti bul FEXS tı birinshi márte qollaw waqtında esap siyasatın ózgertirse, yamasa ol esap siyasatın ıqtıyarıy túrde ózgertirse, bunda bul xojalıq subyekti esap siyasatındaǵı ózgerislerdi retrospektiv tárizde qollawı kerek.
Ayırım jaǵdaylardı esapqa alǵan halda, esap siyasatındaǵı ózgeris retrospektiv tárizde qollanılǵanında, xojalıq subyekti usınıs etilgen aldınǵı dáwirlerdiń eń dáslepki dáwiri ushın bul ózgeris tásir etken kapitaldaǵı strukturalıq bólimlerdiń baslanǵısh qaldıqlarına hám hár bir usınıs etilgen aldınǵı dáwir ushın járiyalanǵan basqa salıstırıw maǵlıwmatlarǵa, tap jańa esap siyasatı hámme waqıt qollanılǵanı sıyaqlı, dúzetiwler kirgiziwi kerek.
Esap siyasatındaǵı ózgeris retrospektiv tárizde qollanılıwı kerek, bunnan ózgeristiń qandayda bir dáwir tiyisli tásirin yamasa jıynalǵan tásirin anıqlawdı ámeliy ilájı joq bolǵan jaǵdaylardan tısqarı.
Esap siyasatındaǵı ózgeristiń usınıs etilgen bir yamasa odan artıq aldınǵı dáwirler ushın salıstırmalı maǵlıwmatqa salıstırǵanda qandayda bir dáwir tiyisli bolǵan tásirin anıqlawdı ámeliy ilájı joq bolǵanında, xojalıq subyekti jańa esap siyasatın retrospektiv qollawdıń ámeliy ilájı bolǵan dáwirlerden eń birinshi dáwiri, bul ámeldegi dáwirde bolıwı múmkin, basında bolǵan aktivler hám minnetlemelerdiń balans ma`nisine salıstırǵanda qollanıwılıwı kerek, hám de bul dáwirdegi kapitaldıń tásir etken hár qanday strukturalıq bóleginiń baslanǵısh qaldıǵına tiyisli dúzetiwler kirgiziwi kerek.
Ámeldegi dáwirdiń basında jańa esap siyasatın hámme aldıńǵı dáwirlerge salıstırǵanda qollawdıń jıynalǵan tásirin anıqlawdıń ámeliy ilájı bolmasa, xojalıq subyekti jańa esap siyasatın qollawdı ámeliy ilájı payda bolǵan eń dáslepki sáneden baslap perspektivalı qollaw maqsetinde, salıstırmalı túrde maǵlıwmatlarǵa dúzetiwler kirgiziwi kerek.