1. Қасддан одам ўлдириш жиноятининг оғирлаштирувчи ҳолатларини таҳлил қилинг

16. Зўравонликни ёки шафқатсизликни тарғиб қилувчи маҳсулотни тайёрлаш, олиб кириш, тарқатиш, реклама қилиш, намойиш этиш жиноятининг таркибий элеметларини таҳлил қилинг.

Jinoyat obyekti jamoat odob-axloqi, yoshlarning normal axloqiy rivojlanishini ta’minlovchi ijtimoiy munosabatlar, jamiyatdagi ma’naviy va axloqiy tamoyillar hisoblanadi.

Jinoyatning predmeti sifatida zoʻravonlikni yoki shafqatsizlikni targʻib qiluvchi mahsulot (kino, audio va videomahsulotlar, asarlar, lazer disklari,) xizmat qiladi.
Zoʻravonlikni yoki shafqatsizlikni targʻib qiluvchi mahsulot deganda, badiiy, ilmiy yoki madaniy qimmatga ega boʻlmagan, zoʻravonlik yoki shafqatsizlik sodir etishga undaydigan materiallar va narsalarni tushunish zarur. Koʻrib chiqilayotgan jinoyatning predmeti sifatida turli asarlar, bosma nashrlar, rasmlar va boshqa har qanday buyumlar e’tirof etilishi mumkin. Muhimi, ular shaxslarni zoʻravonlik yoki shafqatsizlik sodir etishga undashi kerak. Ya’ni, zoʻravonlikni yoki shafqatsizlikni targʻib qiluvchi san’at asarlarini sharhlanayotgan jinoyatning predmeti sifatida e’tirof etish uchun mazkur asarlar hech qanday badiiy, ilmiy yoki madaniy qimmatga ham ega boʻlmasligini aniqlash zarur. San’atshunoslikka oid kompleks ekspertiza tayinlanishi lozim.
Jinoyatning obyektiv tomoni zoʻravonlikni yoki shafqatsizlikni targʻib qiluvchi mahsulotni tarqatish, reklama qilish, namoyish etish maqsadida tayyorlashda yoki Oʻzbekiston Respublikasi hududiga olib kirishda, Shuningdek xuddi shunday harakatlar uchun ma’muriy jazo qoʻllanilganidan keyin zoʻravonlikni yoki shafqatsizlikni targʻib qiluvchi mahsulotni tarqatish, reklama qilish, namoyish etishda ifodalanadi. Zoʻravonlikni yoki shafqatsizlikni targʻib qiluvchi mahsulotni tayyorlash yoki Oʻzbekiston Respublikasi hududiga olib kirish aybdor ularni tarqatish, reklama qilish yoki namoyish etish maqsadini koʻzlagan hollardagina jinoyat tarkibini tashkil qiladi.
Zoʻravonlikni yoki shafqatsizlikni targʻib qiluvchi mahsulotni tarqatish, reklama qilish, namoyish etish maqsadida tayyorlash yoki Oʻzbekiston Respublikasi hududiga olib kirish, xuddi Shuningdek uni tarqatish, reklama qilish, namoyish etish vaqtidan boshlab jinoyat tugallangan hisoblanadi.
Zoʻravonlikni yoki shafqatsizlikni targʻib qiluvchi mahsulot uni tarqatish, reklama qilish yoki namoyish etish maqsadisiz saqlangan boʻlsa, shaxs jazoga tortilmaydi.