1. Қасддан одам ўлдириш жиноятининг оғирлаштирувчи ҳолатларини таҳлил қилинг

14. Вояга етмаган ёки меҳнатга лаёқатсиз шахсларни моддий таъминлашни ота-онани моддий таъминлашдан бўйин товлаш жиноятидан фарқли жиҳатларини ёритиб беринг.
Мазкур жиноятлар бир-биридан жиноят обьекти, обьектив томони, субьекти билан фаркланади: 122 - м о д д а. Вояга етмаган ёки меҳнатга лаёқатсиз шахсларни моддий таъминлашдан бўйин товлашда жиноят объекти суднинг ҳал қилув қарорига мувофиқ, во­яга етмаганлар ёки меҳнатга лаёқатсиз шахсларнинг манфаатлари, яъни соғлиғи, нормал жисмоний ривожланиши ва моддий ёрдам олиши ҳисобланади. 123 - м о д д а. Ота-онани моддий таъминлашдан бўйин товлашда жиноят объекти ахлоқ, ота-оналарнинг ёки уларнинг ўрнини босувчиларнинг соғлиғи ва нормал ҳаёт кечиришлари ҳи­собланади. 122-моддада Жиноятнинг объектив томони суднинг ҳал қилув қарори кучга киргандан сўнг икки ойдан ортик муддат мобайнида вояга етмаган ёки меҳ­натга лаёқатсиз фарзандларини моддий таъминлашдан бош тор­тишда ифодаланади. 123-моддада Жиноятнинг объектив томони вояга етган шахсларнинг меҳнатга лаёқатсиз ва моддий ёрдамга муҳтож бўлган ота-онани моддий жиҳатдан таъминлаш учун суднинг ҳал қилув қарорига биноан ундирилиши лозим бўлган маблағни жами икки ойдан ортиқ муддат мобайнида тўламаслигида ифодаланади. 122-моддада Жиноят субъекти бўлиб вояга етма­ган ёки меҳнатга лаёқатсиз, моддий ёрдамга муҳтож шахсларни моддий таъминлаш тўғрисида суднинг ҳал қилув қарори чиққан ўн саккиз ёшга тўлган шахс ҳисобланади. 123-моддада жиноят субъекти суднинг ҳал қилув қарорига кўра зиммасига ота-оналарини ёки уларнинг ўрнини босадиган шахс­ларни моддий таъминлаш мажбурияти юкланган вояга етган ўз фарзандлари, боқиб олинган ўғил-қизлар, шунингдек, ўгай ўғил ва қизлар бўлиши мумкин.
15. Вояга етмаган шахсни ғайриижтимоий хатти-ҳаракатларга жалб қилиш деганда нималар тушунилади? Ғайриижтимоий хатти-ҳаракатлар тушунчасига таъриф беринг.
Вояга етмаган шахсни ғайриижтимоий хатти-ҳаракатларга жалб қилиш ЖК нинг 127-моддасида келтириб утилган.