1-amaliy mashg’ulot mavzusi

1-AMALIY MASHG’ULOT

Mashg’ulot mavzusi: Maktabgacha ta’lim muassasasining ota-onalar bilan hamkorlikda ishlash shakl va metodlari.

Mashg’ulot maqsadi: Talabalarga mtmning ota-onalar bilan ishlash shakl va metodlari haqidagi bilimlarini tekshirish va boyitish borasida amaliy bilimlarni berishdan iborat.

Kerakli jihoz va materiallar: Maktabgacha ta’lim to’g’risida Prezident qarorlari va farmonlari “ Ilk qadam ” davlat o’quv dasturi, Maktabgacha ta’limda Davlat talablari, tarqatma materiallar, daftar, kitoblar, marker, plakatlar

Umumiy tushuncha: Maktabgacha ta’lim muassasasi, oila, ko’rgazmali ishlar, farzand tarbiyasi, ota-onalar bilan suhbat, ochiq eshiklar kuni, badiiy kechalar, muhit, irsiyat.

Amaliy mashg’ulotning borishi: Amaliy mashg’ulot olingan nazariy ma’lumotlar asosida tashkil etiladi. O’qituvchi guruhdagi talabalarni 4 ta jamoaga ajratib ularning har biriga jamoa sardorlari tayinlaydi:

1-jamoa yosh bilimdonlar

2-jamoa yosh pedagoglar

3-jamoa yosh dasturchilar

4-jamoa yosh tarbiyachilar

Amaliy mashg’ulot jarayonini boshlashdan oldin o’qituvchi talabalarni darsga bor diqqatlarini jalb qilish uchun mtmning ota-onalar bilan ishlash shakli haqida ”Nima uchun” metodi orqali jamoalar bilan savol-javob o’tkazadi.

1. 
   Nima uchun mtm va oila o’rtasida o’zaro hamkorlik bo’lishi kerak?
   
2. 
   Nima uchun ota-onalar majlisi o’tkazishimiz lozim?
   
3. 
   Nima uchun ota-onalar qo’mitasi raisi tayinlanadi?
   
4. 
   Nima uchun ota-onalardan o’z farzandlariga tarbiya berishda sinchikovlik talab etiladi?
   

So’ng o’qituvchining o’zi tarbiyachining ota-onalar bilan ishlash shakl va metodlari haqida ma’lumotlarni bera boshlaydi. Mashg’ulotni o’tish vaqtida talabalardan mavzuga oid atamalarni so’raydi va ularning fikrlari bilan o’z fikrlarini jamlaydi.

Bundan so’ng “SEHRLI SAVATCHA” o’yini o’tkaziladi (15 daqiqa). Bunda o’qituvchi savatchadagi olma shaklidagi kortochkalarda talabalar ismi va qiziqarli shart yozilgan bo’lib ularni aralashtirib tanlaydi, ismi aytilgan talaba o’rnidan turadi va o’sha shartni bajaradi. Bu o’yin dam olish daqiqasi o’rnida ham o’tkazilishi mumkin.

So’ng o’qituvchi mavzuga oid vaziyatli masala o’rtaga tashlaydi va har bir guruh o’z fikrlarini aytadilar.Bahs-munozara so’ngida o’zaro aytilgan fikrlar umumlashtirilib, muammoli vaziyat hal qilinadi. So’ng o’qituvchi tomonidan jamolar yig’gan ballar hisoblanadi va rag’batlantriladi.

Uyga vazifa: talabalarga o’tilgan mavzu yuzasidan qiziqarli ma’lumot yig’ib kelish vazifasi topshiriladi.

TOPSHIRIQLAR:

1. Tafakkurni yuksaltirishga oid o'git va hikmatlar topib kelish.

2. Namunaviy mashg’ulot ishlanma tuzib kelish.

3.Maktabgacha ta’limga oid muammoli vaziyat tuzib kelish.

Vazifa:

Quyidagi jadvalni daftaringizga chizib to’ldiring.

Bilaman (mavzu yuzasidan)

Bildim (mavzudan olingan yangi ma’lumotlar)

Bilishni istayman (qiziqtirgan savollar)