1-amaliy mashg’ulot ishi shirinlashtirilgan likyor ishlab chiqarishda fermentlar ta’siri liker

СН₃СООН + С₂Н₅ОН СН₃СООС₂Н₅ + Н₂О

^{sirka kislotasi etil spirti sirka etil efiri}

Kislotali sharoitda aldegidlarning etil spirti bilan reakstiyaga borishi natijasida esa yoqimli hid beruvchi astetallar hosil bo’ladi.
СН₃СНО + 2С₂Н₅ОН СН₃СН(ОС₂Н₅)₂ + Н₂О

^{sirka aldegid etil spirti astetal}

Likerlarni ma’lum vaqt davomida saqlashda ularning ta’mi va origanoleptik ko’rsatkichlari yanada yaxshilanadi.

Saqlash muddati tugagandan keyin tayyor mahsulotda laboratoriya tahlilini o’tkazilib, degustastiya komissiyasining xulosasi asosida iste’molchilariga jo’natiladi. Quyida liker-aroq mahsulotlarining tavsifini beramiz.

Likerlar boshqa liker-aroq mahsulotlaridan yuqori ekstraktivlik va xushbo’ylikka ega ekanligi bilan ajralib turadi. Ular spirt va qandning miqdoriga qarab kuchli, desert va kremlariga bo’linadi.

Kuchli likerlar tayyorlash uchun asosan xushbo’ylantirlgan spirtlar va efir moyli xom ashyolarning damlamalaridan foydalaniladi. Ularning tarkibida spirt miqdori 30-45% ni, qand miqdori esa 100 ml da 32-50 g ni tashkil etadi. Likerlarning assortimenti qaysi xom ashyodan tayyorlanganligiga qarab har xil bo’ladi va Apelsin, Shartrez, Kristall, Benediktin, Exo kabi assortimentlarini keltirish mumkin.

Desert likerlari meva-rezavor meva mors va sharbatlaridan tayyorlanadi. Ularning tarkibida spirt 25-30% ni, qand esa 100 ml ida 35-50 g ni tashkil etadi. Desert likerlariga Vishnyoviy, Limonli, Vesenniy, Yubileyniy, Shokoladli va boshqalar kiradi.

Kremlar desert likerlarining bir turi hisoblanadi. Ularni ishlab chiqarish uchun meva-rezavor meva sharbatlari, xushbo’ylantirilgan spirtlar, xushbo’y o’simliklarning spirtdagi damlamalari ishlatiladi. Kremlarda spirt miqdori 20-23 % ni, qand miqdori esa 100 ml ida 50-60 g ni tashkil etadi. Eng ko’p tarqalgan turlariga O’rikli, Shokoladli kremlarni kiritish mumkin.