1-Amaliy mashg‘ulot Avtotransport vositalarining yonilg‘i moylarini ifloslanishini o‘rganish Ishdan maqsad

Havoning changliligi. Havodagi chang tarkibida 82% gacha kvars va korund minerallari mavjud. Ular yuqori qattiqlikka ega bo‘lib, ishqalanuvchi sirtlaming abraziv yyeyilishiga sabab bo‘ladi. Havodagi changning miqdori doi­miy bir xil emas, u ob-havo sharoitlari va boshqa ko‘pchilik omillarga bog‘liq. Yuqori harorat va uzoq muddat davomida yog‘ingarchilik miqdorining juda past bo‘lishi havoda chang miqdorining ortishiga olib keladi.

Agregat sharnirlaridagi (minimal 0,005-0,001 mm va maksimal 0,60-0,90 mm) tirqishlarga chang kirib, birikma detallarining yyeyilishini jadallashtiradi. Yeyilish­ning jadallashish darajasi chang zarrachalarining minerologik tarkibi, o‘lcha­mi va shakliga bog‘liq. Tuproqdan agregat detaligacha bo‘lgan masofa 15, 45, 65 sm bo‘lganda shunga mos ravishda havodagi changda 20-25, 30-35, 50-60% kremniy ikki oksidi, 60-70, 55-65, 40-45% alyuminiy, kalsiy, temiroksidlari va 10-15, 5-10, 2-5% turli element karbonatlari bo‘ladi. Yozda avtomobil moylarida havodagi chang miqdori 1,5-2,0 g/m³, ekin maydonlarida esa 3,5 g/m³ gacha etadi. Sahro­lardagi qum bo‘ronlari paytida havodagi chang miqdori 17 g/m³ ni tashkil qiladi. chang bulutining barqarorligi va uning miqdori, asosan, tuproqning tarkibiga, mashinaning harakat tezligiga, yo‘nalishiga va shamolning kuchiga bog‘liq.