1-Amaliy mashg‘ulot Avtotransport vositalarining yonilg‘i moylarini ifloslanishini o‘rganish Ishdan maqsad

1-Amaliy mashg‘ulot
Avtotransport vositalarining yonilg‘i moylarini ifloslanishini o‘rganish
Ishdan maqsad. Havo tarkibidagi chang miqdorini va yonilg‘i moy mate­rial­lar tarkibidagi zararli chiqindilar miqdorini o‘rganish.

Ishni bajarish yo‘riqlari. Mahalliy klimatik sharoitlar o‘ziga xos xusu­siyat­lari, xususan havo tarkibidagi chang miqdorining ko‘pligi, hamda murak­kab­ligini nazariy jihatdan o‘rganib, toza va ifloslangan moylar miso­li­da solish­tirib, filtrlab tahlil qilish.

Nazariy qism. Avtotransport vositalarini ish­la­­tish sharoitlarining xususiyatlari. Har qanday mashinaning xususiyat­lariga loyihalash jarayonida asos solinadi va uni ishlatish jarayonida mazkur xusu­siyat­lar namoyon bo‘ladi. Shuning uchun ham ishlatish omillarining detal­lar­ning xiz­mat muddatiga ta’sir etish darajasi mashinaning sifat ko‘rsat­kich­larini boshqarish imkoniyatini beradi. Sanoatda ishlab chiqarilayotgan traktor va qishloq xo‘jalik mashinalari, aso­san, mo‘tadil iqlim sharoitida ishlatish uchun mo‘ljallangan. Issiq iqlim sharoitida ishlatiladigan mashinalarning ishonchliligi va ish unumini oshi­rish uchun mashinalarni loyihalashda tabiat-iqlim sharoiti ham hisobga olinishi lozim.

Issiq iqlim sharoiti ob-havoning keskin o‘zgarishi, quruq va issiq kun­lar­ning ko‘pligi, havo haroratining nisbatan balandligi va namlikning past­ligi, kuch­li shamollar bo‘lib turishi tufayli atrof-muhitda chang miqdo­rining yuqo­riligi bilan ajralib turadi. Yoz mavsumida havoning harorati +50° gacha etadi, Yillik yog‘ingarchilik miqdori 70-200 mm ni tashkil qiladi.

Meteorologiya xizmati ma’lumotlariga ko‘ra O‘rta Osiyo havosining o‘rtacha minimal va maksimal harorati -10 va +55⁰ ni tashkil etadi. Havoning yil­lik o‘rtacha harorati esa +27° ga teng. Haroratning 8 soat ichida o‘zgarishi 25⁰ ni tashkil qiladi. Yoz mavsumida quyosh nuri to‘g‘ridan-to‘g‘ri tushayotgan me­tall buyumlarning maksimal harorati havoning soyadagi harorati +40° bo‘l­ganda +85° gacha etadi. Quyoshli soatlarning yillik miqdori 2895 soatni, quyosh radiatsiyasining yillik miqdori esa 174 kkal/sm ni tashkil qiladi.