1-Amaliy mashg‘ulot Avtotransport vositalarining yonilg‘i moylarini ifloslanishini o‘rganish Ishdan maqsad

4-Amaliy mashg‘ulot
Mashina detallarini qayta tiklashning umumiy texnologiyasi va texnologik operatsiyalarda bajariladigan ish turlarini o‘rganish
Ishdan maqsad. Mashinalarni detallarini qayta tiklashning umumiy texnologiyasi va texnologik operatsiyalar haqida o‘rganish.

Ishni bajarish yo‘riqlari. Mavzuni nazariy jihatdan adabiyotlar­dan o‘rganib, texnologik operatsiya kartasini tuzish.

Nazariy qism. Ta’mirlash korxonalarining ishlab chiqarish jarayoniga ta’minlash, yasash, yig‘ish, maxsulot sifatini nazorat qilish, ularni saqlash va joydan joyga ko‘chirishni tashkil qilishga oid barcha texnologik faoliyatlar kiradi. Shuningdek yasashni, ta’minotni tashkil qilish, ish o‘rin­la­ri va uchastkalarga xiz­mat ko‘rsatish, ishlab chiqarishning barcha bo‘g‘in­la­rini boshqarishga oid ishlar ham kiradi. Mashinalarni ta’mirlashda mexanik ishlov berish, payvandlash eritib qoplash, qismtarga ajratish, yuvish, yig‘ish kabi ishlar bajariladi. Boshqacha qilib aytganda, ta’mirlash korxonalaridagi ishlab chiqarish jarayoni mashinalar, agre­gat­lar, uzel va detallar ta’mirini tashkiliy-texnik jihatidan ta’minlash, texnologik bosh­qa­rish kabi bosqichlarni o‘z ichiga oladi. Detallarni qayta tiklash texnologik jarayonida quyidagilar bajari­li­shi mumkin:

-suyultirib qoplash (elektr yoyi vositasida, flyus ostida, himoyalovchi gaz muhitida, lazer yordamida);

-purkash (plazmali, gaz-plazmali);

-metallash (gaz yoki elektr yoyi yordamida, yuqori chastotali tok yorda­mi­da, plazmali);

-elektrolitik usulda metall qoplash (xromlash, nikellash, temirlash);

-bosim ostida ishlov berish (ezish. cho‘ktirish, kengaytirish, toraytirish, to‘g‘ri­lash va h.k) va boshqalar.