1-амалий машғулот: Таълим-тарбия жараѐнида турли ѐшдаги болалар организмининг ўзига хос хусусиятлари. Мактабгача таълим ѐшидаги болаларнинг физиологияси

Эрталабки бадантарбия.Эрталабки бадантарбия машқини бажариш иштиѐқини шакллантириш, уни ўтказаѐтганда уюшқоқликка, машқлар комплексини мустақил бажариш кўникмасига эришиш. Бадантарбия машқларини мунтазам равишда очиқ ҳавода, гиламча устида, енгил кийимда буюмлар билан (буюмларсиз) бажариш; машқларни сув муолажалари билан тугаллаш. Муайян изчилликда, аниқ, шиддат билан мускулларни таранг ҳолга келтириш, машқларни қоматни тўғри тутган ҳолда бажариш; машқларни илдам ҳаракат қилиб, ўзига тўлиқ ишонч билан аниқ бажара олишга ўргатишда давом этиш.
Чиниқтириш. Хонада енгил кийимда бўлиш, деразанинг дарчасини очиб қўйиш. Кийим ва пойафзални мавсумга ва машқ турига мувофиқ танлаш. Юз, бўйин, қўлни тирсаккача совуқ сув билан ювиш. Бадантарбиядан сўнг дарҳол губка ѐки уй ҳароратидаги сувда ҳўлланган кичикроқ пахмоқ сочиқ билан тана аъзоларини артиш, аввал қўлларни, кейин баданни қуруқ сочиқ билан тана қизаргунча, тезда қуруқ қилиб артишга одатлантириш. Фақат катталарнинг рухсати ва назорати остида чўмилиш, чўмилишнинг асосий қоидаларига риоя қилиш. Ялангоѐқ юрганда оѐқни шикастлантириш хавфи йўқ жойларда юриш. Чиниқтириш қоидаларини онгли равишда бажариш кўникмаларини тарбиялашда давом этиш.


Назорат саволлари:
1. 3-4 ѐшли болаларнинг жисмоний ривожланиш хусусиятлари ҳақида маълумот беринг?
2. 4-5 ѐшли болаларнинг жисмоний ривожланиш хусусиятлари ҳақида маълумот беринг?
3. 5-6 ѐшли болаларнинг жисмоний ривожланиш хусусиятлари ҳақида маълумот беринг?
4. 6-7 ѐшли болаларнинг жисмоний ривожланиш хусусиятлари ҳақида маълумот беринг?