1-амалий машғулот: Таълим-тарбия жараѐнида турли ѐшдаги болалар организмининг ўзига хос хусусиятлари. Мактабгача таълим ѐшидаги болаларнинг физиологияси

Чиниқтириш ва соғломлаштириш ишларини ташкил этиш.
Эрталабки бадантарбия. Эрталабки бадантарбия вақтида болани юриш, сакраш ҳамда қўл ва оѐқ гавдага мўлжалланган машқларни фаол бажаришга одатлантириш. Ҳар куни катталар назоратида бадантарбия машқларини очиқ ҳавода (хонада бўлганда дарчаларни очиб қўйган ҳолда) бажариш. Қўл, оѐқ, гавдани ривожлантирувчи машқларни аниқ ва изчиллик билан бажариш, қоматни тўғри тутишни ўргатишда давом этиш.
Чиниқтириш.Ҳар қандай об-ҳавода ҳам ҳаракатли ўйинларни ўйнаш. Уйқуга ѐтишдан олдин хонани шамоллатиш, юз,қўлни, оѐқларни, тишларни ювиш; хона ҳароратидаги сувда ҳўлланган губка ѐки пахмоқ қўлқоп билан дастлаб қўлларни, кейин оѐқларни, кўкракни, қорин ва орқани тескари йўналишда тери қизаргунча артиш. Сув ҳароратини ҳар куни 10 С ҳароратдан пасайтириб бориш.


5-6 ѐшли болаларнинг жисмоний ривожланиш хусусиятлари
5-6 ѐшли болаларнинг жисмоний ривожланиш хусусиятлари: бу даврда боланинг бўйи 116-120 см.га ўсади, оғирлиги 23-25 кг.ни ташкил этади, оѐқлари гавдасига нисбатан тезроқ ривожланади. Боланинг умуртқа суяклари қотмаганлиги туфайли тез қийшайиб қолиши мумкин. Шунинг учун ҳам суякларнинг тўғри ўсишига алоҳида эътибор бериш керак. Боланинг юраги чақалоқ юрагига нисбатан 45 баробар катталашади, бироқ мускуллари ҳали етарли даражада мустаҳкамланмаган бўлади. Олти ѐшга етганда мия пўстлоғи ривожланиб, оғирлиги ва ташқи кўриниши жиҳатидан катталарникига яқинлашади. Шунинг учун ҳам боланинг асабларига жуда эҳтиѐткорлик билан муносабатда бўлиш талаб этилади.
Тарбиячи ва ота-оналар жисмоний тарбия фаолиятига оид турли усулларни бола билан биргаликда (унинг хоҳишини ҳисобга олган ҳолда) танлашлари мақсадга мувофиқдир.
Боланинг жисмоний тарбия бўйича машқларни онгли равишда тушуниб, аниқ ва тўғри бажаришига, ҳаракатли ўйинлар қоидасига риоя этишига алоҳида эътибор бериш. Велосипедда учиш, сузишга оид турли усуллар, ҳар хил спорт ўйинларида амал қилинадиган қоидаларни қисқача ўргатиб бориш. Кураш тушишнинг айрим усулларини ўргатиш. (Масалан, ўзбек кураши усуллари).
Жисмоний сифатларни ўстириш, мувозанат сақлаш, ҳаракатни бошқариш ҳамда фазода мўлжалга олишни шакллантиришни давом эттириш.
Болада фаоллик, мустақиллик, дўстона муносабат ва ўзаро ѐрдам кабиларни тарбиялаш. Спорт турлари (футбол, баскетбол, волейбол в.б.) ҳақида тушунча бериш, машҳур спортчилар (масалан, футболчи Миржалол Қосимов, теннисчи – Ирода Тўлаганова) билан таништириш, уларнинг ҳаѐтига оид қизиқарли воқеаларни сўзлаб бериш орқали бола қалбида спортга нисбатан муҳаббатни орттириш.