1-амалий машғулот поршенли компрессорлар деталларини ўрганиш

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ
ФАРҒОНА ПОЛИТЕХНИКА ИНСТИТУТИ
"ТЕХНОЛОГИК МАШИНАЛАР ВА ЖИХОЗЛАР"
КАФЕДРАСИ

5520300-"Технологик машиналар ва жихозлар» йўналиши талабаларига "Насослар, вентиляторлар ва компрессорлар" фанидан

амалий машғулотларни бажариш учун
УСЛУБИЙ КЎРСАТМАЛАР

ФАРҒОНА- 2015

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ
ФАРҒОНА ПОЛИТЕХНИКА ИНСТИТУТИ
"ТЕХНОЛОГИК МАШИНАЛАР ВА ЖИХОЗЛАР"
КАФЕДРАСИ
5520700-"Технологик машиналар ва жихозлар» йўналиши талабаларига "Насослар, вентиляторлар ва компрессорлар " фанидан амалий машғулотларни бажариш учун
УСЛУБИЙ КЎРСАТМАЛАР

ФарПИ Услубий кенгашида

тасдиқланган
2015 йил ________________
№___ баённома

ФАРҒОНА- 2015

Услубий кўрсатмалар Давлат таълим қўмитаси томонидан маъқулланган Олий техника ўқув юртида хисоб-чизиш топшириқларини бажариш хақидаги умумий кўрсатма асосида тузилиб 5520300- "Технологик машиналар ва жихозлар" йўналиши талабалари учун мўлжалланган.
Услубий кўрсатмалар талабаларга "Насослар, вентиляторлар ва компрессорлар" фанидан амалий машғулотларни бажариш учун топшириқларни олиш ва уларни бажариш бўйича кўрсатмалар бериш учун хизмат қилади.

Услубий кўрсатмалар "Технологик машиналар ва жихозлар" кафедрасининг илмий услубий семинарида 2015 йил ___ __________ куни кўрилган ва тасдиқланган./__-сон мажлис баёни/

Кафедра мудири: доц. Ю.У. Мирзахонов

Механика факултети Услубий хайъати томонидан 20__йил

"__" _______________ куни маъқулланган (__-мажлис баёни)

Хайъат раиси: доц. Хамзаев И.

Тузувчилар: Хакимов А.А.

Давронбеков А.А.
Тақризчи: доц. Ботиров А.
1-АМАЛИЙ МАШҒУЛОТ


ПОРШЕНЛИ КОМПРЕССОРЛАР ДЕТАЛЛАРИНИ ЎРГАНИШ.
Поршенли компрессорлар деталлари.
Компрессорнинг станинаси ва рамасига хамма ишчи детал ва узеллар монтаж қилинади. Рама барча узел ва конструкциялар оғирлигини қабул қилади. Шунинг учун компрессорнинг рама ва станиналари С418-36 маркали чўяндан тайёрланади.
Компрессорнинг тирсакли вали электр моторидан келаётган қувватни узатиб бериш учун хизмат қилади ва айланма харакатни илгариланма-қайта харакатга келтиради. Тирсакли вал поршенли компрессорларнинг асосий деталларидан бири бўлиб хисобланади. Вал жуда юқори нагрузка остида ишлайди. Вал юқори сифатли углеродли ёки легирланган пўлатлардан тайёрланади. (стал 35 ва 45)
Вални тайёрлаш жараёни болғалаш, штамповкалаш ва ундан кейин термик ишланиб ички кучланишлар йўқотилади.
Маховик эса поршенни юришини текислаш учун хизмат қилади яъни валдаги юкламалар камайган вақтида ўзида энергияни йиғиб олади ва юклама ортган вақтида йиғилган энергияни яна қайтаради. Маховик асосан чўяндан тайёрланади. Уни тайёрлашда айланиш ўқига нисбатан мувозанат холати сақланиши керак.

1-расм. Компрессор танаси.
1- назорат туйниги, 2- оралиқ совутгичнинг монтаж қилиш туйниги, 3- назорат туйниги, 4- тирсакли вал ўрнатиш туйниги
Шатун тирсакли вални ползун билан поршенни боғлайди ва тирсакни вал билан биргаликда айланма харакатни илгариланма –қайтма харакатга айлантириб беради. Шатун асосан юқори сифатли легирланган пўлатлардан тайёрланади яъни (40 х ва 38х А).Поршенли компрессор цилиндрида хаво сиқилади. Цилиндр ишлаш жараёнида ўзгарувчан механик юкламаларни қабул қилади. Цилиндрнинг ички юзаси силлиқ ва цилиндрсимонлиги тўғри бўлиши керак. Уни тайёрлашда мустахкамлигига ва сифатига юқори талаб қўйилади. Цилиндрни тайёрлашда С418-36 ва С421-40 маркали чўянлардан фойдаланилади. Клапанлар компрессорнинг ишлаш жараёнида хавони тақсимлаш учун хизмат қилади. Сўрувчи ва хайдовчи клапанлар цилиндр каллагига алохида ўрнатилиб, ишлаш вақтида тез, зич, овозсиз ва ўз вақтида очилиб ёпилиши керак. Клапан пластиналари юқори сифатли хромли ва хромникенли пўлатлардан тайёрланади.

2-расм. Компрессор тирсакли вали
Поршен ва поршен халқалари компрессорнинг асосий деталлари бўлиб, С-418-36 маркали чўяндан қуйиш йўли билан тайёрланади.