1. 1-§. Chizma geometriya fani haqida

Texnika fanlari nomzodi, dotsent Adilov Pulat Adilovich . (5-rasm)
1938-yil 2-yanvarda Toshkent viloyati, Nazarbek tumanida tug‘ilgan. Dotsent P.Adilov aspirant va tadqiqotchilarga ilmiy rahbarlik va o‘quvchi-talabalarning bitiruv malakaviy ishlariga hamda magistrlik dissertatsiyalarga bir necha yillardan beri rahbarlik qilib kelmoqda. Dotsent P.Adilovning ilmiy-metodik ishlar ro‘yxati 100 dan ortiq. Dotsent P.Adilov tomonidan quyidagi o‘quv adabiyotlar yaratildi.
1. Chizma geometriya kursi. Texnika oliy o‘quv yurtlari uchun darslik.
2. Chizma geometriya. Oliy o‘quv yurtlari uchun darslik.
3. Chizmachilik. 8-9 sinflar uchun darslik.

(5-rasm)
Texnika fanlari nomzodi, professor v/b Temur Rixsiboyev (6-rasm)
1941-yil 2-fevralda Toshkent shahrida tug‘ilgan. Temur Rixsiboyev chizma geometriya, chizmachilik va kompyuter grafikasi fanlaridan 20 ortiq o‘quv-metodik qo‘llanmalar, 3 ta elektron o‘quv qo‘llanma hamda 70 dan ortiq ilmiy-nazariy va ilmiy–metodik maqolalarning muallifidir. Shuningdek, «Kompyuter grafikasi» fanidan o‘quv qo‘llanmasini o‘zbek tilida nashr qildi. Ushbu o‘quv qo‘llanma uchun OTMning o‘quv qo‘llanmalar bo‘yicha 2007-yilning eng yaxshi muallifi sovriniga ham sazovor bo‘lgan.

(6-rasm)
Texnika fanlari nomzodi, professor Ismatullayev Raxmatulla Qudratullayevich
(7-rasm)(1946-2014). R.Ismatullayevning butun ilmiy-pedagogik faoliyati Nizomiy nomidagi TDPU da kechdi. U kafedra katta o‘qituvchisi (1982-1985), dotsenti (1982-2003), professori (2003-2014) bo‘lish bilan birga salohiyatli rahbar sifatida ham barakali mehnat qilgan. R.Ismatullayevning ilmiy-metodik ishlar ro‘yxati 90 dan ortiq bo‘lib, bir necha o‘quv va metodik qo‘llanmalar hamda darsliklar chop ettirgan.
1.Chizma geometriya (1-qism). O‘quv qo‘llanma, Toshkent, 2003, 2005.
2.Chizma geometriya (2-qism). O‘quv qo‘llanma, Toshkent, 2007.
3.Topografik chizmachilik. Oliy o‘quv yurtlari uchun darslik. Toshkent, Cho‘lpon, 2009.