1. 1-§. Chizma geometriya fani haqida

II BOB. MARKAZIY OSIYO DAVLATLARIDA MASHXUR ALLOMALAR VA OLIMLARNING GEOMETRIK IZLANISHLARI.
2.1-§. ХХI O’rta Osiyoda Chizmachilik va chizmageometriya fanining rivojlanish va o`qitilish bosqichlari
Mamlakatimizda chizma geometriya va muhandislik grafika fanlarini ilmiy va metodik yo‘nalishlar bo‘yicha rivojlantirishga o‘z hissasini qo‘shgan olimlarning har biri, ularning faoliyati to‘g‘risida alohida to‘xtalamiz. Ularning ayrimlari dunyodan o‘tgan, qolganlari esa faol ishlamoqda.
Texnika fanlari nomzodi, professor Xorunov Raxim Xorunovich (1911-1992).
(1-rasm) R.Xorunov TTYMI da kafedra mudiri bo‘lib ishlab, kafedrada ilmiy maktab tashkil qildi. R.Xorunovning 70 dan ortiq ilmiy va ilmiy metodik ishlari mavjud. U 1961-yilda «Chizma geometriya» qisqa kursi darsligini Texnika oliy o‘quv yurti talabalari uchun chop etdi. Ushbu darslikni 2-nashri 1965-yilda, 3-nashri 1974-yilda, 4-nashri 1995-yilda qayta chop etib mavzular ancha to‘ldirildi va qurilish va arxitektura mutaxassisliklari uchun mo‘ljallangan.

(1-rasm)
Dotsent Yusifjon Qirg‘izboyev (1912-1995). (2-rasm)
Yu.Qirg‘izboyev TTYESI talabalik davrida chizma geometriya fanidan professor M.Ya.Gromov ma’ruzalarini tinglagan pedagoglardandir. Shuning uchun bo‘lsa kerak, u kishining 1958-yilda chop etilgan chizma geometriya kitobida sirtlarning o‘zaro kesishuv chizig‘ini aniqlashga tegishli masalalar chizmalarining berilishi va yechilishi professor M.Ya.Gromov darsliklarida uchraydigan chizmalarga o‘xshab ketadi.
Yu.Qirg‘izboyev 1950-yilda Nizomiy nomidagi Toshkent Davlat Pedagogika institutida chizmachilik kafedrasini tashkil qilgan. Uning grafika fanlari bo‘yicha ta’limini olgan talabalardan A.Tojiboyev, I.Raxmonov, M.Isayeva, I.Ismoilov, P.Adilov, R.Ismatullayev kabi yetuk mutaxassislar respublikamiz oliy maktablari uchun bilimdon va kuchli metodik o‘qituvchi – mutaxassislar tayyorlagan. Yu.Qirg‘izboyev 1951-1978-yillarda TTYESI Chizma geometriya va chizmachilik kafedrasiga rahbarlik qilgan.