1 – Мавзу. Ўқув жараёни ва ўқув – услубий фаолиятни модернизациялаш масалалари Режа

Иккинчи анкетадаги саволлар таълим муассасаси ресурсларини ва ўқув тарбия жараёнини амалга ошириш шароитлари (қўллаб-қувватлаш ва муҳит)ни тавсифлайди. Анкетанинг мазмунини: «Таълим муассасаси таълим олувчилар назарида» ташкил этади. Анкетадаги бу саволга жавоб уч даражада таклиф этилади: менинг таълим муассасамга ўхшайди (5 балл), кам ўхшайди (3,5 балл), мутлақо ўхшамайди (2 балл).
Иккинчи анкета бўйича ёпиқ саволлар билан бир қаторда иккита очиқ савол ҳам бор унга кўра таълим олувчилар таълим муассасасида ўзларига нима кўпроқ ва нима ёқишлигини белгилашлари лозим. Ҳар бир савол бўйича учтадан жавоб керак.
Учинчи анкетанинг моҳиятини «ўқитувчилар таълим олувчилар назарида» ташкил этади. Бунга бир қатор саволлар киради ва улар ўқитишни уддалаш, тарбияни уддалаш, шахсий сифатлар ва объектив баҳолашни уддалаш хамда таълим олувчилар билимини назорат қилиш тавсифланади. Бунда саволларнинг кўпчилиги «ўқитувчи ўзи ҳақида» анкетадаги саволларга айни бир муаммо бўйича фикрларини таққослашга имкон беради. Мазкур анкетада саволларга жавоблар тўрт даражада таклиф этилади: барчаси (5 балл), деярли барчаси (4 балл), оз (3 балл) ва ҳеч ким (2 балл).
Ота – оналар учун (асосан умумий ўрта ва ўрта махсус, касбий таълим тизимида) анкета (3-илова) назарда тутилган бўлиб, ундаги саволлар ўқитишни уддалаш, тарбиялашни уддалаш ва ўқитувчи шахсий сифатлари билан боғлиқ, шунингдек боланинг ўқиш шароитларига тааллуқли. Қўйилган саволларга жавоб тўрт босқичда таклиф этилади: ха (5 балл), деярли ха (4 балл), деярли йўқ (3 балл) ва йўқ (2 балл).
Анкетада ота-аналар учун битта очиқ савол бор бўлиб, у таълим муассасасининг ишини яхшилаш бўйича таклифлар билан боғлиқ.

Ресурслар бўйича ўз-ўзини баҳолаш

Ўқув тарбия жараёнинг ресурслари бўйича ўз-ўзини баҳолаш унинг бевосита иштирокчилари - ўқитувчилар ва таълим олувчилар томонидан амалга оширилади.
Бунда ота-оналарнинг фикри, айниқса ўрта махсус, касбий таълим тизимида, муҳимдир. Бундай ўз-ўзини баҳолашни ўтказиш учун ўқитувчилар, таълим олувчилар ва уларнинг ота-оналари учун анкеталарга ўқув-тарбия жараёни ресурслари билан боғлиқ саволлар киритилган.
Ўқитувчилар моддий техника ва информация базасини (дарсликлар, ўқув-қўлланмалари ва б.), меҳнат шароити ва уни моддий рағбатлантириш ва х. ларни баҳолайдилар (1-илова).