1- мавзу Кириш

Информацион технология воситалари
Замонавий информацион технология воситалари бу компьютерлар, тармоқлар, Интернет, мултимедиадир.
Компьютер ўзи нима? Компьютер бу инсониятнинг энг ажойиб кашфиётларидан биридир.
Бу буюк кашфиёт инсониёт тараққиётида кескин ўзгаришларга сабабчи бўлди. Дастлаб ҳисоб учун кашф этилган бу қурилма информацион революциянинг асосой сабабчиси бўлди.
Ҳозирги кунда компьютер хаётимизнинг барча сохаларига шиддат билан кириб бормоқда. Турли мутахассислар, тадбиркорлар, олимлар, ижодкорлар ўз мехнат фаолиятида компьютерлардан кенг фойдаланмоқдалар. Комpпютер ёрдамида ажойиб мўoжизалар яратилаётгани хам сир бўлмай қолди. Келажакни унингсиз тасаввур қилиш мумкин эмаслиги шу кунда барчага аёндир. Бугун компьютерда ҳисоблаш , ёзиш, ўқиш, ўрганиш, гапириш, сақлаш, чизиш, қайта ишлаш, саралаш, мусиқа ёзиш, ахборотни олиш ва бирор манзилга юбориш, тахрирлаш, макетлар тайёрлаш, аудио ва видео маълумот яратиш мумкин. Унинг имкониятлари кундан кунга кўпаймокда, шунинг учун у ишда, ўқишда, уйда ва ҳатто дам олишда инсоннинг энг ишончли дўстига айланди.


Келинг компьютер билан танишайлик.


Унинг кўриниши оддий бўлиб, қуйидаги асосий қурилмалардан иборат (1.7расм):

• Процессор Компьютернинг асосий қурилмаси бўлиб, унда системали плата, микропроцессор, оператив хотира, қаттиқ диск, контроллерлар, дискеталар билан ишловчи қурилмалар ва хоказолар жойлашади.
• Монитор Маълумотларни ва амалларни экранда тасвирлайди.
• Клавиатура Белгиларни компьютерга киритади.
Процессор компьютер ишини таъминлайди ва бошқаради, шунинг учун одатда уни «компьютер» деб хам аташади. Унинг кўриниши турли бўлиши мумкин (1.8расм). У қуйидаги қисмлардан ташкил топади.
Микропроцессор компьютер ишлашини таъминлайдиган ва компьютер қурилмалари ишини бошқарадиган қурилма. У компьютернинг ишлаш тезлигини аниқлайди. Компьютерлар микропроцессор тури билан фарқланади. Ҳозирги кунда микропроцессорнинг хар хил турлари мавжуд, масалан, Intel, Рentium.